„ის, რაც გააკეთა გახარიამ, იყო ზურგში დანის ჩარტყმა“ - სოზარ სუბარი

„ის, რაც გააკეთა გახარიამ, მნიშვნელოვან მომენტში უღალატა სახელმწიფოს და უღალატა გუნდს, ეს იყო ზურგში დანის ჩარტყმა," - განაცხადა დღეს, 7 ივნისს, „ოცნების" ერთ-ერთმა ლიდერმა, სოზარ სუბარმა.

ცნობისთვის: დღეს, „ქართული ოცნების" დამფუძნებელმა, ბიძინა ივანიშვილმა განცხადება გავრცელა, სადაც გახარიას მიერ გუნდისა და სახელმწიფოს ღალატზეა საუბარი.

„ის, რაც გააკეთა გახარიამ, მნიშვნელოვან მომენტში უღალატა სახელმწიფოს და უღალატა გუნდს, ეს იყო ზურგში დანის ჩარტყმა, როდესაც კანონი უნდა აღსრულდეს და ის წინააღმდეგია კანონის აღსრულების და მიდის თანამდებობიდან ამ კაცის მიზანი იყო ჩამოეშალა სახელმწიფო ინსტიტუტები, ჩვენ არაერთხელ გვითქვამს. რომ დადიოდნენ და ავრცელებდნენ ჭორებს, რომ ბიძინა ივანიშვილის ალტერნატიული გეგმა, რაც იყო ტყუილი. ბიძინა ივანიშვილმა საჭიროდ ჩათვალა შეფასება მიეცა სიცრუისთვის და ღალატისთვის რაც ჩაიდინეს გახარიამ და მისმა გუნდის წევრებმა", - განაცხადა სუბარმა.