„ღრმად ვარ დარწმუნებული, ჩემს მიერ დაფუძნებული პარტია წარმატებით უზრუნველყოფს სახელმწიფოს სიმტკიცეს“ - ივანიშვილი

„ერთ-ერთი მთავარი შედეგი, რასაც „ქართულმა ოცნებამ" ჩემთან ერთად და პოლიტიკიდან ჩემი გასვლით მიაღწია, სწორედ საქართველოში პიროვნების კულტისა და მესიანიზმის მანკიერი ტრადიციის დასრულებაა," - განაცხადა დღეს, 7 ივნისს, „ქართული ოცნების" დამფუძნებელმა და ყოფილმა თავმჯდომარე ბიძინა ივანიშვილმა.

შეგახსენებთ: დღეს, „ქართული ოცნების" დამფუძნებელმა, ბიძინა ივანიშვილმა განცხადება გავრცელა, სადაც გახარიას მიერ გუნდისა და სახელმწიფოს ღალატზეა საუბარი.

„ღრმად ვარ დარწმუნებული, ჩემს მიერ დაფუძნებული პარტია მომავალშიც წარმატებით უზრუნველყოფს სახელმწიფოს სიმტკიცეს, დემოკრატიული ინსტიტუტების, სამართლისა და კანონის უზენაესობის დაცვას, რაც სახელმწიფოს განვითარების აუცილებელი პირობაა," - ნათქვამია ივანიშვილის განცხადებაში.