ლიკა ალელიშვილი

სახელი, გვარი -  ლიკა ალელიშვილი

დაბადების წელი - 1990

მედიასაშუალება - ტელეკომპანია „რუსთავი 2“

პოზიცია - ჟურნალისტი

მედიასაშუალებები, სადაც გიმუშავნიათ - საინფორმაციო სააგენტო „ჯიეიჩენი“, ტელეკომპანია მაესტრო, პირველი რადიო, ტელეკომპანია „ჯიდიესი“, ტელეკომპანია „იბერია“, საზოგადოებრივი მაუწყებელი

თქვენი პირველი დღე მედიაში? - ვიყავი ცოტა დაძაბული. პირველ გადაღებაზე აქციაზე წავედი.

თქვენი პირველი მასალა? - ერთ-ერთი საერთაშორისო ბეჭდური მედიის სტატია ქართულ ჯარზე.

არის დღეს მედია მეოთხე ხელისფლება? - სამწუხაროდ არა

რა არის საზოგადოების დაკვეთა? - ჩემი აზრით,  რომ მიუკერძოებლად გავაშუქოთ ყველა ამბავი.

ვის მიიჩნევთ საინტერესო რესპონდენტად? - ვახტანგ კაპანაძეს და ვლადიმერ ჩაჩიბაიას (ჩემი მიმართულებიდან გამომდინარე)

რომელია ექსკლუზივი, რომელიც დღემდე გახსოვთ? - როცა სირიის კონფლიქტი გავაშუქე, სააკაშვილის უკრაინაში დაკავება(სახურავზე გადაღებული ცნობილი კადრები) ასევე, ნიკოლ ფაშინიანთან ინტერვიუ, საფრანგეთის „ყვვითელჟილეტიანების“ მოძრაობის ლიდერთან ინტერვიუ.

რომელი იყო ყველაზე რთული დღე მედიასაქმიანობაში? – 2008 წლის აგვისტოს ომი

რომელია დღე, ფაქტი, მოვლენა, რომელიც გახარებთ? - ყველა დღე მახარებს, როცა ნაყოფიერად მუშაობას შევძლებ.

რა (სად) არის თქვენთვის კომპრომისის ზღვარი? - კომპრომისზე მივდივარ, როცა ეს სხვა ადამიანის სიცოცხლისთვის/ჯანმრთელობისთვის მნიშვნელოვანია

რომელი უფრო მნიშვნელოვანია - იყო პირველი თუ იყო მართალი? – რა თქმა უნდა, იყო მართალი (უპირველესად საკუთარ თავთან)

ვინ არის რესპოდენტი, რომელიც ვერ ჩაწერეთ? - ვოლოდიმირ ზელენსკი 2021 წლის ომის შემდეგ (იქამდე რამდენჯერმე მოვახერხე)

რომელი ხელისუფლება იყო მედიასთან უფრო გახსნილი? - ამ კითხვას გადაჭრით ვერ უპასუხებს, თუ კრიტიკულ მედიაში ხარ, ძირითადად არ გპასუხობენ კითხვებზე

მასალას ჟურნალისტი „აკეთებს“ თუ რესპოდენტი? – ორივე

ვინ არის პერსონა, რომელთანაც არასოდეს ითანამშრომლებთ? - ნებისმიერი „რუსეთუმე“

რა ვითარებაში გისარგებლიათ თქვენი გავლენით? – არასდროს სამსახურს გარეთ

რაზე გწყდებათ გული? - უფრო მეტი შემიძლია და ვერ ვაკეთებ

რა სახის ინფორმაციას არ გაავრცელებთ არასოდეს? – მიზანმიმართულ ტყუილს

რომელია ქართული მედიის „ოქროს ხანა“? – იმედია, მომავალში იქნება

რისი გეშინიათ? – რომ ჩემს ახლობლებს ჩემზე ნერვიულობის გამო ჯანმრთელობა არ დაუზიანდეთ.

„დაინგრა“ თუ „აშენდა“, რომელს ტრნასლირებთ პირველს? – დაინგრა, რადგან იმედით და პოზიტივით დავამთავრო (ბოლოს მოსმენილი უფრო ამახსოვრდება ადამმიანს)

რა უფრო მეტია ქართულ მედიაში - ნეგატივი თუ პოზიტივი? – სამწუხაროდ ნეგატივი

როგორია ქართული მედიის თავისუფლების ხარისხი? - ვფიქრობ, მაღალი

ვინ არის კოლეგა, რომელსაც ყველაზე მეტად აფასებთ? - ბევრია, ამიტომ ჩამონათვალისგან თავს შევიკავებ

რა არის ჭარბად ქართულ მედიაში? – ნეგატივი, ცუდი ამბავი და ამ ცუდ ამბებზე აჟიტირება, პანიკა

რა აკლია ქართულ მედიას? – საქმის მშვიდად, პანიკის გარეშე კეთება, პროფესიონალიზმი

რომელ სატელევიზიო არხს უყურებთ? – თითქმის ყველა ქართულ არხს. საერთაშორისო - ალ ჯაზირა, ბიბისის, vice-news

რადიო, რომელსაც უსმენთ -საზოგადოებრივი

გაზეთი, რომელსაც კითხულობთ - სამწუხაროდ, გაზეთების კითხვას ვეღარ ვასწრებ

რჩეული ონალინ გამოცემა - რადიო თავისუფლება

რატომ გაურბის ქართული ბიზნესი მედიაში ინვესტირებას? - მსოფლიოს ნებისმიერი ტელევიზია წაგებაზე მუშაობს, რაც ბიზნესისთვის არ არის დაინტერესების სფერო

რა დოზითაა წარმოდგენლილი ქართულ მედიაში პოლიტიკური გავლენა? – ძალიან დიდი

რა გაღიზიანებთ? -  პანიკა

რა გახარებთ? - საქმის მშვიდად და ხარისხიანად კეთება

როგორია კონკურენტებთან დამოკიდებულება? -  ვფიქრობ, ჯერ ადამიანური ურთიერთობებია და შემდეგ სამსახური, ამიტომ არანაირი კონფლიქტი არ მაქვს, არც კონკურენტად აღვიქვამ კოლეგებს. უბრალოდ პატივს ვცემ ყველას არჩევანს და საქმეს

რას არ პატიობთ კოლეგას? – უზრდელობას, ასევე, თუ მე ცუდად შემეხება, ან საქმის გაფუჭებას მოინდომებს, შესაბამის პასუხს მიიღებს

კითხვა, რომელზეც პასუხი დღემდე არ მიგიღიათ? - ბევრია, ამიტომ არ დავკონკრეტდები

რას ნანობთ? - ბევრ რამეს

რითი ხართ კმაყოფილი? - ცხოვრებით და შესაძლებლობებით, რომელსაც ის გვაძლევს

რა არის მთავარი - სიმართლე თუ სამართლიანობა? – ორივე (და კავშირშია ერთმანეთთან )

იაზრებენ თუ არა მედიაწარმოამდგნლები თავის როლს სოციუმში? - ძაალიან ხშირად ვერ

რატომ აღარ გვენდობა ხალხი? - ჩვენ ვაძლევთ ამის საბაბს

არის თუ არა მედია ხალხთან ახლოს? - ჩემი აზრით, არა

მედია-ჟურნალისტიკაა, ბიზნესი თუ სკანდალისტიკა? -ჟურნალისტიკა

რა არის მედიასტანდარტი? - ის ელემენტარული წესები, რასაც არ უნდა გადავუხვიოთ არცერთმა ჟურნალისტმა

რატომ დაავიწყდა ქართულ მედიას მედია სტანდარტი? - ამაზე პასუხი უფრო მენეჯმენტს ექნება, რადგან ახალ თაობას ისინი ზრდიან

შეგიძლიათ დასახელება კოლეგის, რომელიც ეთერში არ უნდა იჯდეს? - არა

რატომ გაურბიან მედიის წარმომადგენლები კოლეგებზე კრიტიკულად საუბარს? - ბევრი არ გაურბის და ეს სამწუხაროა. მე გავურბივარ, რადგან ყველას ადამიანი თავად წყვეტს, როგორი უნდა იყოს, ეს ჩემი საქმე არ არის.

ვინ არის ქართულ მედია მეტრი? - არ მაქვს პასუხი

რატომ გვყავს მედია „დედები და მამები“? - არც ამაზე მაქვს პასუხი

რეიტინგი თუ აკადემიური ჟურნალსტიკა? - აკადემიური ჟურნალისტიკა და მერე რეიტინგიც მოვა დროთა განმავლობაში

რა არ უნდა გააკეთო ექსკლუზივისთვის ჟურნალისტმა? - ადამიანობა არ უნდა დაკარგო

რა კითხვა არ უნდა დასვს ჟურნალისტმა? - თუ კითხვა გაქვს, უნდა დასვა

არსებობს თუ არა ჟურნალისტიკაში ე.წ. დოგმა? - კი

რატომ ჰგავს ყველა ქართული ტელევიზიის ე.წ. ბადე ერთმანეთს? - სარედაქციო პოლიტიკაა რომელსაც ჩვენ, ჟურნალისტები არ ვწყვეტთ

რა არის ჟურნალისტიკის მთავარი ფუნქცია - საზოგადოების ინფორმირებულობა თუ პროპაგანდა? - რა თქმა უნდა, საზოგადოების ინფორმირებულობა

არსებობს თუ არა ობიექტური ჟურნალისტიკა და თუ არსებობს, რაში გამოიხატება? - მეტ-ნაკლებად არსებობს

აქვს თუ არა ჟურნალისტს საკუთარი აზრის საჯარო გამოთქმის უფლება მედიასაშაულებით? - მე მასწავლეს რომ თავი უნდა შევიკავო, რადგან მაყურებელს ობიექტური ინფორმაცია მივაწოდო და ჩემი შეხედულებები თავს არ მოვახვიო

უნდა არსებობდეს თუ არა ჟურნალისტიკის ფაკულტეტი? - კი