დანიელ ტობლერი - კომპანია GEOTEST-ის მიერ ჩატარებული მყინვარების კვლევის სახით, საქართველოს მთავრობას უკვე კარგი საბაზისო მონაცემები აქვს
16.01.2026 ნახვები: 296
კომპანია GEOTEST-ის მიერ საქართველოში ჩატარებული მყინვარების მასშტაბური კვლევის სახით საქართველოს მთავრობას უკვე კარგი საბაზისო მონაცემები აქვს და შეუძლია, დაიწყოს რისკების მართვა, – ამის შესახებ შვეიცარიული კომპანია GEOTEST-ის ექსპერტმა, დანიელ ტობლერმა განაცხადა.
როგორც დანიელ ტობლერმა აღნიშნა, მთელი ქვეყნის მასშტაბით შესწავლილი იქნა პერიგლაციალური სივრცეები.
„ვიცით, რა რისკებს შეიძლება, მოიცავდეს ეს პროცესები. ახლა მთავრობას შეუძლია, დაიწყოს არსებული რისკების შემცირება, მოახდინოს ახალი რისკების თავიდან აცილება და მათი ეტაპობრივი შემცირება იმ ეტაპამდე, ვიდრე ის ქვეყნისთვის მისაღებ დონეს არ მიაღწევს“, – განაცხადა დანიელ ტობლერმა.
შვეიცარიელმა ექსპერტმა მყინვარული ხეობების კვლევის შედეგები საქართველოს პრემიერ-მინისტრს, ირაკლი კობახიძეს დღეს გააცნო.
