ნიკა მელია - ეს არის რეჟიმის დასასრული

გავრილოვის გამო საქართველოს არც ერთი მოქალაქე არ უნდა სამართლდებოდეს, - ამის შესახებ „ნაციონალური მოძრაობის" თავმჯდომარე, ნიკა მელიამ განაცხადა.

„ეს არის რეჟიმის დასასრული, რეჟიმები ასე სრულდებიან, როგორც არასდროს, ვარ ძლიერად, მაგრად, მჯერა, რომ ამ კადრებს როცა ნახავენ ჩვენი შვილები, ამ კადრებს ნახავს ჩემი შვილი, იამაყებს საკუთარი მამით,. ამიტომ, გავრილოვი, ღარიბაშვილი, ივანიშვილი, მურუსიძე, ჩინჩალაძე ვერ გაგვასამართლებენ. ბიძინა ივანიშვილმა მოახერხა და ყველა გაგვაერთიანა, ასე ვიქნებით იქამდე, ვიდრე ეს რეჟიმი არ დაენარცხება ძირს",- განაცხადა ნიკა მელიამ.

სამართალდამცველები „ნაციონალური მოძრაობის" ოფისში შევიდნენ. შინაგან საქმეთა სამინისტროს წარმომადგენლებმა ადგილზე შეკრებილი მოქალაქეები გააფრთხილეს ხელი არ შეუშალონ სასამართლოს გადაწყვეტილების აღსრულებაში და ამისთვის გონივრული ვადა მისცეს მათ.