ISET-ის კვლევითი ინსტიტუტი მთავრობასთან თანამშრომლობას წყვეტს- განცხადება

ISET-ის კვლევითი ინსტიტუტი გმობს რუსულ კანონს და წყვეტს მთავრობასთან თანამშრომლობას - ამის შესახებ ISET-ი განცხადებას სოციალურ ქსელში ავრცელებს და აღნიშნავს, რომ ვიდრე "ქართული ოცნება" ქვეყნის ევროპული გზის სამსახურში არ დაბრუნდება, მათთან თანამშრომლობას არ გააგრძელებენ.

"ISET-ის კვლევითი ინსტიტუტი, რომელიც 2011 წლიდან ემსახურება ქვეყანაში ეკონომიკური პოლიტიკის დიალოგს და ქვეყნის განვითარებას კვლევითი საქმიანობითა და ეკონომიკური ექსპერტიზით, გმობს მთავრობის მიერ ქვეყნის ევროპული ინტეგრაციის კურსის რისკის ქვეშ დაყენებას და ‘რუსულ კანონს’ და წყვეტს მთავრობასთან თანამშრომლობას იმ მომენტამდე, სანამ საქართველოს მთავრობა კვლავ ქვეყნის ევროპული გზის სამსახურში არ დაბრუნდება," - წერია განცხადებაში.