თბილისის მერია 36 მლნ ლარის ღირებულების მიკროავტობუსებს შეისყიდის
04.05.2021 | 13:28 ნახვები: 667
დედაქალაქის მერია 35.9 მილიონ ლარად 300 ერთეულ, დიზელის საწვავზე მომუშავე მიკროავტობუსს შეისყიდის. ტენდერს "თბილისის სატრანსპორტო კომპანია" აცხადებს.
სატენდერო დოკუმენტაციის მიხედვით ცნობილი ხდება, რომ შესყიდვის სავარაუდო ღირებულება კი - 35 919 468 ლარია. წინადადებებების მიღება 29 აპრილს დაიწყება და 4 მაისს დასრულდება.
სატენდერო პირობების თანახმად, ახალ მიკროავტობუსს არანაკლებ 17 მგზავრის გადაყვანა უნდა შეეძლოს, უნდა იყოს ლურჯი ფერის, და არაუადრეს 2021 წლისა, ასევე ყველა ავტობუსი უნდა იყოს ერთი მარკის და ერთი მოდელის.
