დაბნეული დოიაშვილი და გაურკვეველი „კი“ თუ „არა რუსულ კანონს!“
04.11.2024 | 20:06 ნახვები: 730
"არა რუსულ კანონს!" - ზუსტად ეს სიტყვები, რამდენიმე დღის წინ, ვასო აბაშიძის სახელობის ახალ თეატრში, მსახიობმა დავით ბეშიტაიშვილმა სპექტაკლის შემდეგ წარმოთქვა, რასაც იმთავითვე საზოგადოების გამოხმაურება მოჰყვა.
„ნეიშენ ჯორჯიასთვის“ რამდენიმე საათის წინ, ცნობილი გახდა, რომ ვასო აბაშიძის სახელობის ახალი თეატრის სამხატვრო ხელმძღვანელთან, მსახიობს არ შეუთანხმებია, რომ სპექტაკლის შემდეგ მსგავს გამოსვლას გეგმავდა.
„ნეიშენ ჯორჯია“ დავით დოიაშვილს დაუკავშირდა, თუმცა დოიაშვილმა გაუკვირდა, სატელეფონო ზარით რატომ უნდა ჩაგვეწერა. მიუხედავად იმისა, რომ ჟურნალისტმა საინფორმაციო სააგენტოების მუშაობის პრინციპი აუხსნა, რეჟისორმა ინტერვიუზე ჟურნალისტი თეატრში დაიბარა.
გთავაზობთ საუბრის სტენოგრამას:
დოიაშვილი:საიდან მირეკავთ?
ჟურნალისტი:საინფორმაციო სააგენტო „ნეიშენ ჯორჯია“
დოიაშვილი: და?
ჟურნალისტი: იცით რა მაინტერესებს, ჩვენ გვაქვს ინფორმაცია რომ რაც „მეფე ლირზე“ მოხდა თქვენთან შეთანხმებული არა იყო.
დოიაშვილი: ტელეფონით რატომ უნდა გელაპარაკოთ, ამიხსენით, ახალი წესია, თუ როგორ არის?
ჟურნალისტი: მედია როგორ მუშაობს არ იცით?
დოიაშვილი: ძაან დიდი ბოდიში რა, თუ გინდათ მობრძანდით და დაგელაპარაკებით, ნახვამდის.
მიუხედავად იმისა, რომ სააგენტომ სცადა ინფორმაცია გადაუმოწმებლად არ გაევრცელებინა, მსახიობ დავით ბეშიტაიშვილს დაუკავშირდა. მსახიობმა ჩვენს სატელეფონო ზარებს არ უპასუხა.
„ნეიშენ ჯორჯიამ“ დაკავშირება პრესსამსახურთან სცადა, სადაც საუბრის დროს გაირკვა, რომ დავით დოიაშვილი თბილისში არ იმყოფება.
21-ე საუკუნეში კომუნიკაციის საშუალებები ნამდვილად იძლევა იმის შესაძლებლობას, რომ ინტერვიუები რესპოდენტებთან თბილისიდან სიდნეიში და ნიუ-იორკშიც ჩაიწეროს და ბატონი დოიაშვილისთვის ნეტავ რატომ აღმოჩნდა უცხო ჟურნალისტის სატელეფონო ზარი გაუგებარია.
ალბათ ცნობილი რეჟისორისთვის, რომელიც აშკარად დააბნია ჩვენმა ზარმა, ეს უცნობი არ უნდა იყოს. თუმცა ფაქტია რომ დოიაშვილმა ჟურნალისტთან საუბარი არ მოისურვა.
ასევე, ისიც საინტერესოა სად იბარებდა ჟურნალისტს, რეჟისორი თუ იგი ამ დროისთვის ქალაქში არ იმყოფება.
ანუ შესაბამისად გაურკეველი დარჩა დოიაშვილთან შეთანხმებული იყო თუ არა „არა რუსულ კანონს!“
