იენს სტოლტენბერგი - მოკავშირეებმა გააკეთეს განცხადებები და გამოხატეს ერთგულება საქართველოსთვის შემდგომი დახმარების აღმოჩენის შესახებ
ხატია დეკანოიძე - უმრავლესობას ვურჩევ, გამოიყენოს „გუგლის“ საძიებო სისტემა და კარგად დააკვირდეს, რას ნიშნავს ლობისტი და რას ნიშნავს საქართველოს მეგობარი
შალვა ხაჭაპურიძის განცხადებით, საკუთარ სახლსა და ავტომობილში სათვალთვალო კამერები იპოვა
დავით მესხიშვილი:ავტოსაგზაო შემთხვევის შედეგად, ყოველწლიურად დაახლოებით, 450 ადამიანი იღუპება
ადვოკატი:სამედიცინო დასკვნაში ჩამოთვლილია ის მძიმე დაავადებები, რომელიც სასჯელისგან გათავისუფლებას ითვალისწინებს
პაატა მანჯგალაძე - ალუდა ღუდუშაური თავიდან ლიტერატურული პერსონაჟი მეგონა
ნათია ფანჯიკიძე: „დღეს ქვეყანაში სულ რამდენიმე ადამიანზე ვამბობ ხოლმე ინტელიგენტია-მეთქი და ერთ-ერთია ედუარდ სააკაშვილი
ნორვეგიის საგარეო საქმეთა მინისტრი - ქართველებს ჩვენი სოლიდარობა სჭირდებათ

საქართველოში საცხოვრებელი უძრავი ქონების გაყიდვები გაიზარდა

05.23.2022 | 11:14

საქართველოში საცხოვრებელი უძრავი ქონების გაყიდვები გაიზარდა. წლიურად გაზრდილია ასევე ფასიც, როგორც გასაყიდი, ასევე ქირა. ამის შესახებ „თიბისი კაპიტალის“ ანგარიშშია აღნიშნული.

კერძოდ, კვლევის თანახმად, 2022 წლის აპრილში, 2021 წლის ანალოგიურ პერიოდთან შედარებით, 9%-ით გაიზარდა და 3 329 ტრანზაქცია დაფიქსირდა თბილისში. რაც შეეხება ფასებს, აპრილში უძრავი ქონების გასაყიდი ფასი წლიურად 11%-ით გაიზარდა და 899 დოლარი შეადგინა 1კვ. მეტრის ღირებულებამ. ქირაზე კი ფასი 83%-ით 8.7 აშშ დოლარამდეა გაზრდილი.

ამასთან, „თიბისი კაპიტალის“ ცნობით, 2022 წლის მონაცემებით, რაიონები თბილისში, სადაც ყველაზე მეტი საცხოვრებელი უძრავი ქონება გაიყიდა, არის: ჩუღურეთი - 35.8%-იანი ზრდა, დიდუბე - 30.1% და საბურთალო - 28%-იანი ზრდა. ზოგიერთ რაიონში გაყიდვები შემცირდა. ყველაზე მაღალი - 14%-იანი კლება კი ისანში დაფიქსირდა.

რაც შეეხება ფასს, წინა თვეში საცხოვრებელი უძრავი ქონების გასაყიდი ფასი ყველა რაიონში აღემატებოდა 2021 წლის აპრილის მაჩვენებელს. ფასები თბილისში ყველაზე მეტად - 16.1%-ით გაიზარდა საბურთალოზე, მას მოსდევს დიდი დიღომი - 14.3%-იანი ზრდით, მე-3 ადგილზე კი ვაკეა, სადაც ფასი წლიურად 10.9%-ით არის გაზრდილი.

საანგარიშო პერიოდში ასევე გაზრდილია ქირის ფასიც. კერძოდ, ქირა ყველაზე მეტად - 14%-ით გაიზარდა ისანში, მას მოსდევს დიდ დიღომი - 14.3%-იანი ზრდით, მე-3 ადგილზე კი ნაძალადევია - ფასის 12.9%-იანი მატებით.