ამერიკის შეერთებული შტატების ყოფილი პრეზიდენტი დონალდ ტრამპი აცხადებს, რომ 2024 წლის საპრეზიდენტო არჩევნებში მონაწილეობის მიღება გადაწყვიტა.
„ნიუ იორკ მეგეზინთან“ ინტერვიუში ამერიკის 45-ე პრეზიდენტმა განაცხადა, რომ ჯერ არ იცის, როდის განაცხადებს ამის შესახებ, ნოემბრის შუალედურ არჩევნებამდე, თუ შემდეგ.
„ჩემს თავში უკვე მივიღე ეს გადაწყვეტილება. ასე რომ, მასზე ამიერიდან გავლენას არაფერი მოახდენს“, -განაცხადა ტრამპმა.
ექსპრეზიდენტის თქმით, ის დარწმუნებულია, რომ თუ მონაწილეობას მიიღებს, არჩევნებში აუცილებლად გაიმარჯვებს.
„აცნობეთ ხალხს. ვფიქრობ, ბევრი ადამიანი კენჭისყრაშიც კი არ მიიღებს მონაწილეობას, მე რომ ეს გავაკეთო. თუ გამოკითხვებს შეხედავთ, ისინი არც კი რეგისტრირდებიან. ხალხს უნდა, რომ მე კენჭი ვიყარო“, – განაცხადა ექსპრეზიდენტმა.
