საქართველოს მესამე პრეზიდენტი მიხეილ სააკაშვილი მეუფე იაკობის იმ განცხადებას ეხმაურება, რომლის თანახმადაც, "ქართველი კაცი ნაციონალების დაბრუნებას არ დაუშვებს, იარაღსაც აიღებს ხელში".
„ემანდ, ფრთხილად ეგ იარაღი, რომლის აღებისკენ მოუწოდებ, მთლად იქ არ აღმოგაჩნდეს, სადაც მოგეწონებოდა, "მეუფე". იმედია, ყველა პატრიოტი სასულიერო პირი გაემიჯნება ამ უპრეცედენტოდ სამარცხვინო განცხადებას!
მე როგორც საქართველოს ეკლესიის რიგითი შვილი შეურაცხყოფილი ვარ ყველა სხვა მორწმუნე ნაციონალთან და ზოგადად, ყველა ნორმალურ ადამიანთან ერთად და ველი დედა-ეკლესიისგან დაუყოვნებლივ და არა ორაზროვან რეაგირებას," - წერს მიხეილ სააკაშვილი ფეისბუკის საკუთარ გვერდზე.
შეგახსენებთ: ბოდბელმა მიტროპოლიტმა, მეუფე იაკობმა გუშინ, 1-ელ ივნისს, ქადაგების დასრულების მერე განაცხადა:
„დღევანდელ სიტუაციაში, ქართველი კაცი მაინც ხომ გინდ არ მოწონდეს მმართველი პარტია, ნაციონალების დაბრუნებას, მით უმეტეს მიშას დაბრუნებას არ დაუშვებს რა, მისი განწყობა... იარაღსაც აიღებენ ხელში, ის რომ დაიწყონ იქიდან მობრუნება კანონით".
მეუფე იაკობი, რომელიც აქტიურად აკეთებს პოლიტიკურ განცხადებებს, არც იმას გამორიცხავს, რომ პოლიტიკურ საქმიანობაში თავადაც ჩაერთოს.
ჯერჯერობით მეუფე იაკობისათვის განცხადებებს ეკლესიიდან არავინ გამოხმაურებია