უკრაინული ხორბლით დატვირთულმა პირველმა ხომალდმა ოდესა დატოვა. ამის შესახებ ინფორმაციას თურქული სააგენტოები ავრცელებენ.
მანამდე ცნობილი გახდა, რომ თურქეთის თავდაცვის უწყების ხელმძღვანელმა ჰულუსი აკარმა საკოორდინაციო შტაბის ფარგლებში რუსეთის, უკრაინისა და გაერო-ს წარმომადგენლებთან გამართა მოლაპარაკება, რა დროსაც პირველი გემის პორტიდან გასვლის დრო შეათანხმეს.
როგორც ცნობილია, უკრაინული ხორბლის ექსპორტის განახლების შესახებ შეთანხმება გაერო-სა და თურქეთის შუამავლობით უკრაინასა და რუსეთს შორის 22 ივლისს გაფორმდა.
თურქეთში ვარაუდობენ, რომ უკრაინული ხორბლით დატვირთული პირველი გემი თურქეთში 2 აგვისტოს ჩავა, საიდანაც ლიბანში გაემგზავრება.
