ცესკო-ს შენობაში იმიტირებული არჩევნები ტარდება
საქართველოში კორონავირუსით კიდევ 22 ადამიანი გარდაიცვალა
ფინანსთა მინისტრი - საერთაშორისო დახმარების სახით, ჯამში, მოვიზიდეთ 2,1 მილიარდი აშშ დოლარი
ალეკო ელისაშვილი ფინანსთა მინისტრს - გაოგნებული ვარ, ერთხელ არ გიხსენებიათ პანდემიის პირობებში „ქამრების შემოჭერა
მამუკა მდინარაძის განცხადებით, პარტიას დაფინანსება არ შეუწყდება, თუ ის ბოიკოტის რეჟიმში იმყოფება და ოპოზიციის საუბარი კანონპროექტის სადამსჯელო მექანიზმად გამოყენებაზე, სპეკულაციაა
რომან გოცირიძე ფინანსთა მინისტრს - ბატონო ლაშა, აპირებთ თუ არა, კიდევ მომპაროთ კანონი?
მამუკა ხაზარაძის განცხადებით, გიორგი გახარიამ ბადრი ჯაფარიძეს წერილი შსს-ში, საკუთარ კაბინეტში გადასცა
სალომე ზურაბიშვილი ლიეტუვის პრეზიდენტს ხვდება

მიხეილ კალანდიას ციხეში დღეს დაკითხავენ

06.11.2021 | 10:40

დავით სარალიძის განზრახ, ჯგუფურად დამამძიმებელ გარემოებებში ჩადენილ მკვლელობაში მსჯავრდებულ მიხეილ კალანდიას 11 ივნისს ციხეში დაკითხავენ.

როგორც "ინტერპრესნიუსისთვის" გახდა ცნობილი, მიხეილ კალანდიასთან გამომძიებლები მე-12 პენიტენციურ დაწესებულებაში დავით სარალიძის მკვლელობაში ბრალდებულ გიორგი მენაბდის მიმართ მიმდინარე გამოძიების ფარგლებში დასაკითხად 12:00 საათზე მივლენ.

როგორც მიხეილ კალანდიას ადვოკატი, ზურაბ თოდუა აცხადებს, კალანდია ჩვენების მიცემას არ აპირებს.

ადვოკატი არ გამორიცხავს, აღნიშნული ფაქტი კალანდიაზე ზეწოლას ემსახურებოდეს და სტრასბურგიდან სარჩელის გატანის სანაცვლოდ მას საპროცესო შეთანხმება შესთავაზონ.

ცნობისთვის, დავით სარალიძის ჯგუფურად დამამძიმებელ გარემოებებში ჩადენილი განზრახ მკვლელობის ბრალდებით სამართალდამცავებმა მიხეილ კალანდია 2019 წლის 4 ივნისს დააკავეს. ის თბილისის საქალაქო სასამართლომ დამნაშავედ ცნო და მას 15 წლით თავისუფლების აღკვეთა შეუფარდა, თუმცა, არასრულწლოვანთა მართლმსაჯულების კოდექსის თანახმად, სასჯელი ერთი მესამედით შეუმცირდა და საბოლოოდ, სასჯელის სახით 11 წელი და 3 თვე შეუფარდა. აღნიშნული გადაწყვეტილება ძალაში დატოვა თბილისის სააპელაციო სასამართლომ. უზენაესმა სასამართლომ კი, საკასაჩიო საჩივარი საერთოდ დაუშვებლად მიიჩნია. აღნიშნულ საქმეზე საჩივარი სტრასბურგის სასამართლოშია გაგზავნილი.