იენს სტოლტენბერგი - მოკავშირეებმა გააკეთეს განცხადებები და გამოხატეს ერთგულება საქართველოსთვის შემდგომი დახმარების აღმოჩენის შესახებ
ხატია დეკანოიძე - უმრავლესობას ვურჩევ, გამოიყენოს „გუგლის“ საძიებო სისტემა და კარგად დააკვირდეს, რას ნიშნავს ლობისტი და რას ნიშნავს საქართველოს მეგობარი
შალვა ხაჭაპურიძის განცხადებით, საკუთარ სახლსა და ავტომობილში სათვალთვალო კამერები იპოვა
დავით მესხიშვილი:ავტოსაგზაო შემთხვევის შედეგად, ყოველწლიურად დაახლოებით, 450 ადამიანი იღუპება
ადვოკატი:სამედიცინო დასკვნაში ჩამოთვლილია ის მძიმე დაავადებები, რომელიც სასჯელისგან გათავისუფლებას ითვალისწინებს
პაატა მანჯგალაძე - ალუდა ღუდუშაური თავიდან ლიტერატურული პერსონაჟი მეგონა
ნათია ფანჯიკიძე: „დღეს ქვეყანაში სულ რამდენიმე ადამიანზე ვამბობ ხოლმე ინტელიგენტია-მეთქი და ერთ-ერთია ედუარდ სააკაშვილი
ნორვეგიის საგარეო საქმეთა მინისტრი - ქართველებს ჩვენი სოლიდარობა სჭირდებათ

ფსკერის მოლოდინში - კიდევ მეტი სოზარ სუბარი და მეტი აბსურდი

10.18.2022 | 10:04

თქვენ ფიქრობდით, რომ ფსკერზე ხართ? რომ ქოცების ანტიდასავლურმა პროპაგანდამ მწვერვალს მიაღწია, რომ „ტვ იმედის“ ეშმაკურად შეფუთული სიუჟეტები „კიშინოივში დაგეგმილ გეი-აღლუმზე“, და „უკრაინის დანგრევაზე“- მაქსიმუმია, რისი ფანტაზიაც აქვთ ქოც-ბრიგადირებს?

დასავლეთის გინება, ბრალდებები „ომში ჩვენი ჩათრევა უნდათ“, ვითომ განდგომილი კრეტინების დაჯგუფება, „დასავლეთი ჩვენს საქმეებში არ ჩაერიოს“, აშშ-ს ელჩის კოლექტიური ლანძღვა, „მასხარა ზელენსკის“ გინება და სხვა ტიპის სოფლური-გოიმურ-ორღობე ისტერიკა - მაქსიმუმია, რასაც ნახავთ საქართველოში?

თუ მართლაც ასე ფიქრობთ - ტყუილად. ის, რასაც დღეს ხედავთ - არაფერია იმასთან შედარებით, რაც ხვალ-ზეგ გელით..

ევროპის საპარლამენტო ასამბლეამ მიხეილ სააკაშვილი პოლიტპატიმრად აღიარა. ევროპის ლანძღვა-გინება, ოცეულად ქცეული რეგვენთა ოთხეულის სიბრძნეების ამოფრქვევა - აწი იქნება. ოღონდ არავინ იფიქროს, რომ ეს ქოცების პრორუსულობის მაჩვენებელია. ისეთი მცნებები, როგორც პრორუსულობა, ან პირიქით, პროდასავლურობა „ქართულ ოცნებასთან“ საერთოდ არანაირ შეხებაში არაა - მათთვის ვაშინგტონს, მოსკოვს, და ბრიუსელს შორის არანაირი პრინციპული სხვაობაა არ არსებობს.

როდესაც საჭიროა - პროდასავლურები იქნებიან, როდესაც მომგებიანია - პრორუსულები, გააჩნია ვითარებას. ქოცების ფასეულობათა სისტემაში გადამწყვეტი მნიშვნელობა ენიჭება ძალაუფლებას და ფულს, და სწორედ ამასთანაა დაკავშირებული ანტიდასავლური რიტორიკის წინ წამოწევa მაინც და მაინც დღეს.

10 წელია ქოცობა ხელისუფლებაში, მაგრამ ასე უნამუსოდ ამერიკისთვის და ევროპისთვის არ შეუტევია და ეს მაშინ, როდესაც სწორედ ქოცების მმართველობას დაემთხვა რუსეთის სიძლიერის მწვერვალი. ანტიდასავალური რიტორიკა კრემლის გულის მოსაგებად, სავსებით ლოგიკური იქნებოდა წინა წლებში - მაგრამ დღეს, როდესაც რუსეთი ისეთი სუსტია, როგორიც არასდროს ყოფილა, როდესაც დღეს რუსეთთან ურთიერთობების შეზღუდვას მისი დიდი ხნის მოკავშირეები, მაგალითად, ცენტრალური აზიის ქვეყნები, ცდილობენ - ეს ცვლილება ცოტა არ იყოს არაბუნებრივი ჩანს.

თუმცა, ეს მხოლოდ იმ შემთხვევაში, თუ ამაში პოლიტიკურ შინაარსს დავინახავთ, და ამ ტრანსფორმაციას მაინც და მაინც რუსეთთან დავაკავშირებთ. მაგრამ, რეალურად ეს ასე არ არის - ქოცობის აღვირახსნილი ანტიდასავლური პროპაგანდა არაა დაკავშირებული მაინც და მაინც რუსეთთან. ყველაფერი თავის ადგილზე დადგება, თუ გავიაზრებთ, რომ არც „პრო“ და არც „ანტი“ - ეს „ქართულ ოცნებაზე“ არაა. ერთად-ერთი, ვისი „პრო- შეიძლება იყოს „ოცნება“ - ეს თავად „ოცნებაა“ და მეტი არავინ.

ქოცების ანტიდასავლური პროპაგანდა არანაირად არაა დაკავშირებული რუსეთთან და აშშ-ს ელჩის გინება სამთავრობო დონეზე რუსეთისთვის თავის მოწონების მიზანს სულაც არ ისახავს. თანაც დღეს ამისთვის შესაფერისი დრო ნამდვილად არაა - რუსეთი ისეთ მდგომარეობაშია, რომ საქართველოსნაირი ლიფსიტებისთვის საერთოდ არ სცხელა..

ქოცები არ იცავენ რუსეთს, ქოცები იცავენ თავიანთ, ვიწრობიძინურ ინტერესებს. დასავლეთზე შეტევაც ხომ იმის შემდეგ დაიწყო, რაც მის ფულებს საფრთხე დაემუქრა და საერთაშორისო დონეზე პირველად ალაპარაკდნენ ბორენკას წინააღმდეგ სანქციების შემოღების შესაძლებლობაზე. ქოცებს არც რუსეთი აინტერესებთ და არც დასავლეთი - მთელი მათი ორღობე ანტიდასავლური პოლიტიკა მხოლოდ ბორენკას ფულის და ძალაუფლების შენარჩუნებაზეა გათვლილი.

დასავლეთი თუ რუსეთი - ეს საკითხი საერთოდ არ დგას, ეს მეორეხარისხოვანია. ამჯერად, ამ ფაქტორებს დაემატა სააკაშვილის პოლიტპატიმრად ცნობის საკითხი - ეს დიდი ლახვარია ქოცთა ზურგში, მით უმეტეს იმის გათვალისწინებით, რომ მიშას მიმართ წმინდა და უხრწნელი ზიზღი არის თითქმის იგივე მნიშვნელობის საკითხი, რაც ქოც-ფულების და ქოც-ძალაუფლების შენარჩუნება.

სააკაშვილის საკითხი - ის თემაა, რომლის გამოც „ქართული ოცნება“ უკრაინის დამარცხებაზე ოცნებობს. სააკაშვილის საკითხი ქოცებისთვის უფრო მნიშვნელოვანია ვიდრე საქართველოს ბედი, ვიდრე მსოფლიოს ხვალინდელი დღე, ვიდრე მარსიანელების შეტევა კაცობრიობაზე, ვიდრე ასტეროიდის შეჯახება დედამიწასთან...

ევროპა, რომელიც სააკაშვილს პოლიტპატიმრად მიიჩნევს - ქოცთა პირადი მტერია, იმის განურჩევლად, სად იქნება ამ დროს პუტინი - კრემლში თუ ჰააგაში.

ამიტომაც საქართველოს ახლო მომავალში ელის კიდევ უფრო აღვირახსნილი ანტიდასავლური პროპაგანდა, კიდევ მეტი სოზარ სუბარი, მეტი გრეჩიხა-ხაინდრავა-მოროშკინა, მეტი აბსურდი, რომლის წყალობით ქართული პოლიტიკა კიდევ უფრო მეტად დაემსგავსება ფსიქიატრიულ კლინიკას, სადაც მთავარი ექიმი - ყველაზე მეტად უბერავს.

ავტორი:თენგიზ აბლოთია