"ბინძური ნაბიჯები და დაშინების მცდელობა" - ასე აფასებენ მმართველ გუნდში ე.წ. სააკაშვილის სიის შედგენას. "ქართული ოცნების" თქმით, სია საზოგადოებამ უნდა შეადგინოს, ვინც "ნაციონალური მოძრაობის" ხელისუფლებაში ყოფნის დროს დაზარალდა.
საქართველოს პარლამენტის თავმჯდომარის პირველი მოადგილე, გია ვოლსკი ამბობს, რომ ე.წ. სააკაშვილის სიის შექმნის ინიციატორები შავი სიის შედგენის ოსტატები არიან.
"ყველა ბინძურ ზომაზე და ნაბიჯზე მიდიან იმისათვის, რათა როგორმე იქნებ სააკაშვილი დაიხსნან. აქ აშინებენ, ეს არის ზეწოლა მოსამართლეზე, ექთანზე, ექიმზე. გარდა ამისა, არსებობს სია, რომელიც მათ არაერთხელ უკვე გამოაქვეყნეს და რომელიც აღმოჩენილია კიდევაც, თუ ვინ უნდა დაიჭირონ, ვინ უნდა დახვრიტონ და საერთოდ ეს ადამიანები შავი სიის შედგენის ოსტატები არიან," - აცხადებს ვოლსკი.
