20 იანვრის ღამეს, საგარეჯოში დატრიალებული ტრაგედიის დეტალებს ერთ-ერთი დაჭრილი ვალერი მათიაშვილი „ იხსენებს, როგორც მათიაშვილი ყვება გიორგი არიშვილმა, თავდასხმის დროს სამი დაჭრილის სიცოცხლე გადაარჩინა.
„გიორგის დამსახურებაა, დღეს რომ ცოცხალი ვარ, გიორგის და ღმერთის..ღამე, მაღაზიაში სიგარეტის საყიდლად შევედი, როგორც კი გამოვედი, მანქანაში ჩავჯექი, მეგობრებთან ერთად ვიყავი და უნდა წამოვსულიყავი, უკნიდან ხალხის ხმა გავიგე, დამაინტერესა, რა ხდებოდა, მანქანიდან გადმოვედი, ალბათ, 10-მდე ადამიანი მორბოდა და ყვიროდნენ – დაიმალეთო. გავიქეცი შიგნით, რომ ლიზა უსაფრთხო ადგილას გამეყვანა, ვეღარ მოვასწარი, როგორც კი შევედი, პირველს მე მომხვდა ფეხში – ლიზამაც დაიწყო ყვირილი, თვალი აღარ მაქვსო.
ჩემმა ზოგმა მეგობარმა სცადა, ზემოთ სახურავზე ასვლა და გადასვლა, მაგრამ მე ასეთი ფეხით იქ ვერ ავიდოდი და ლიზასაც ვერ გადავიყვანდით.. სროლა რომ არ ჩერდებოდა, მივხვდი რომ სასწრაფოს მოსვლას აზრი არ ჰქონდა, არავის დაზოგავდა, ყველას ესროდა, ერთადერთი გამოსავალი იყო – გიორგის დავურეკე.
[გიორგი] რომ არ მოსულიყო, ჩვენ გამომწყვდეულები ვიყავით. სპეცრაზმიც რომ მოვიდა, ოპერაცია ჩაატარა და ყველაფერი დასრულდა, დიდი ალბათობით, მე პირადად ისე დავიცლებოდი სისხლისგან, ვერავინ წარმოიდგენდა, რომ იქ შეიძლება დაჭრილები ყოფილიყვნენ. კი ისროლა, მაგრამ, რეალურად, რა მოხდა, ვის მოხვდა, არავინ იცოდა“, – იხსენებს ვალერი მათიაშვილი.
