მიხეილ სააკაშვილის გადარჩენის შტაბის ხელმძღვანელი, გიორგი ჩალაძე პოლონელი ექიმების საქართველოში დაგეგმილ ვიზიტზე ინფორმაციას არ ფლობს.
როგორც მან "პირველებს" განუცხადა, ოფიციალური პირებისგან მსგავსი ინფორმაცია არ მიუღია:
"რიკარდ იოზვიაკის ტვიტი ვნახე, თუმცა მინდა გითხრათ და დაგიდასტუროთ, რომ იმ ოფიციალური პირებისგან, ვისთანაც მუდმივ კონტაქტზე ვართ, არცერთისგან არ არის მსგავსი ინფორმაცია ჩემთან ან ჩემს მეგობრებთან მოსული. შესაბამისად, ეს ჯერ არ არის დადასტურებული ინფორმაცია სახელმწიფო დონეებზე. ყველას ვთხოვდი, თავი შეიკავოს კონკრეტული მიზნების, მისიის ვადების ან სხვა თემების კონკრეტიკის გავრცელებისგან. ეს არის მხოლოდ და მხოლოდ ჟურნალისტის ტვიტი. მე დიდ პატივს ვცემ რიკარდ იოზვიაკს და დარწმუნებული ვარ, რომ გადაუმოწმებლად არ გაავრცელებდა"- თქვა ჩალაძემ.
ქართულმა მხარემ პოლონელ ექიმებს საქართველოს მესამე პრეზიდენტის, მიხეილ სააკაშვილის მონახულების ნება დართო - ინფორმაციას რადიო თავისუფლების ევროპის ბიუროს რედაქტორი რიკარდ იოზვიაკი ავრცელებს.
