ჩვენ ვიცავთ სანქციებს, ვატარებთ რეფორმებს და ვფიქრობთ, რომ პოლიტიკური ნება იქნება მეორე მხრიდან, რომ საქართველო, მისი ერი და სახელმწიფო მზად არის, გაწევრიანდეს ევროატლანტიკურ სტრუქტურებში, – ამის შესახებ ვიცე-პრემიერმა, კულტურის მინისტრმა, თეა წულუკიანმა განაცხადა.
მინისტრის თქმით, საქართველო მომავალშიც გააგრძელებს რეფორმების პროცესს.
„ეს რეფორმები ამ მომენტშიც გრძელდება და მომავალშიც გაგრძელდება, რადგან ჩვენ ძალიან შორიდან მოვდივართ, ტოტალიტარიზმის საბჭოური ხანიდან. გარდაქმნებისა და რეფორმების პროცესი უნდა იყოს განგრძობადი, რასაც ხელისუფლება, უკვე მერამდენე წელია, აკეთებს“, – განაცხადა წულუკიანმა.
