„იკრიბებიან მეტროსადგურებთან, რომ მეტროს „პასაჟირებიც" მიიერთონ, ვიზუალური კუთხით აქამდე არიან უკვე დასული და მილევად რეჟიმში არიან," - აცხადებს ოპოზიციის აქციებზე „ქართული ოცნების" თავმჯდომარე ირაკლი კობახიძე.
შეგახსენებთ: რამდენიმე დღეა, ოპოზიცია პერმანენტულ აქციებს მართავს და მიხეილ სააკაშვილის მრავალპროფილურ კლინიკაში გადაყვანას ითხოვს და ასევე, მიტაცებულ არჩევნებს აპროტესტებს. დღეს, 13 ნოემბერს, 19:00 საათზე, ოპოზიცია მორიგ აქციას პარლამენტის წინ გამართავს.
„ყველაფერს გავაკეთებთ იმისათვის, რომ ეს დღის წესრიგი გაქრეს და ძალიან მალე გაქრება, თვითონვე მიაქანებენ აქეთკენ საკუთარ თავს. თავიდნენ 200-300 კაცამდე იკრიბებიან მეტროსადგურებთან, რომ მეტროს „პასაჟირებიც" მიიერთონ, ვიზუალური კუთხით აქამდე არიან უკვე დასული და მილევად რეჟიმში არიან. საზოგადოებას აბეზრებენ ძალიან თავს," - განაცხადა კობახიძემ.
