საქართველოს მესამე პრეზიდენტის, მიხეილ სააკაშვილის წინააღმდეგ ე.წ. პიჯაკების საქმის სასამართლო პროცესი, დღეს, 11:00 საათზე საქალაქო სასამართლოში გაიმართება.
მიხეილ სააკაშვილმა პროცესზე დასასწრებად თხოვნით პენიტენციურ დაწესებულებას პარასკევს, 12 ნოემბერს მიმართა.
სასამართლო პროცესზე დასწრების უფლებას სამართლებრივად პრეზიდენტს აქვს, თუმცა დაასწრებენ თუ არა, ჯერ უცნობია.
სააკაშვილის ადვოკატის, ბექა ბასილაიას თქმით, ყველაფერი გააკეტეს, რომ სანამ მიხეილ სააკაშვილის ჯანმრთელობის მდგომარეობა არ დამძიმდა მანამ სასამართლო პროცესი არ ჩაენიშნათ.
"ჩვენ არ ვიცით რა პოზიციას დააფიქსირებენ ამჯერად, თუმცა ვიცით, რომ მთელი თვე-ნახევრის გარეშე ყველაფერი გააკეთეს საიმისოდ, სანამ მიხეილ სააკაშვილის მდგომარეობა არ დამძიმდა და მისი ჯანმრთელობა არ დადგა ამ უდიდესი რისკების წინაშე, მანამ რომ პროცესები არ ჩაენიშნათ. ეს ნიშნავს ერთ რამეს, ხელისუფლებას მთელი ამ პერიოდის მანძილზე ჰქონდა პანიკური შიში მიხეილ სააკაშვილის სასამართლოში გამოცხადების", - განაცხადა ბასილაიამ
ადვოკატების შეფასებით, ე.წ. პიჯაკების საქმე კომიკურია და მართლმსაჯულება დიდი ალბათობით, არ დადგება. ყველა წინაპირობა არსებობს, რომ მიხეილ სააკაშვილის საკუთარ სასამართლო პროცესს დაესწროს.
შეგახსენებთ:
საქართველოს მესამე პრეზიდენტი 46 დღეა, შიმშილობს.
11 ნოემბერს, სტრასბურგის სასამართლოს მოწოდების შემდეგ, სააკაშვილმა კომპრომისებზე წასვლის მზაობა გამოთქვა და მზად არის პროტესტი უკიდურესი ფორმა შეწყვიტოს, თუმცა მას გარკვეული დათქმები აქვს, იგი სამოქალაქო კლინიკაში გადაყვანას ითხოვს, სადა შესაბამის სამედიცინო დახმარებას გაუწევენ.
