აშშ-ის სახელმწიფო დეპარტამენტი - უკრაინაში ბრძოლის ველზე რთული სიტუაციაა, მაგრამ უკრაინელები პროგრესს აღწევენ
მაია მიშელაძე
ჭიათურაში მე-5 დღეა 1700 მაღაროელია გაფიცული
AFU making progress despite tough situation on battlefield - State Department
200 vessels already left Ukrainian ports via temporary corridor in Black Sea
IMO Assembly adopts resolution in support of Ukraine’s efforts in Black Sea – Zelensky
Stefanchuk, Michel hold meeting ahead of EU Council session
Ukraine starts consultations with EU on security commitments

პაველ ჰერჩინსკი - სააკაშვილის თუ სხვების შეწყალების ან არშეწყალების გადაწყვეტილება მხოლოდ საქართველოს პრეზიდენტის ხელშია

11.21.2023 | 13:05 ნახვები: 176

სააკაშვილის თუ სხვების შეწყალების ან არშეწყალების შესახებ გადაწყვეტილება მხოლოდ საქართველოს პრეზიდენტის ხელშია. მე არაფრის თქმა არ შემიძლია ამასთან დაკავშირებით, – ამის შესახებ საქართველოში ევროკავშირის ელჩმა, პაველ ჰერჩინსკიმ ჟურნალისტებს განუცხადა.

მისი თქმით, პრეზიდენტის გადასაწყვეტია, გამოიყენებს თუ არა თავის კონსტიტუციურ უფლებას.

„ეს მისი კონსტიტუციური უფლებაა. აბსოლუტურად მისი გადასაწყვეტია, გამოიყენებს თუ არ გამოიყენებს ამ უფლებას“, – განაცხადა ჰერჩისკიმ.

ელჩმა იმედი გამოთქვა, რომ კანდიდატის სტატუსის მინიჭებასთან დაკავშირებით დადებითი გადაწყვეტილება იქნება მიღებული, რომელიც ხელს შეუწყობს საქართველოში პოლიტიკური სპექტრის დეპოლარიზაციას.

„გულწრფელად ვიმედოვნებ, რომ 27 წევრი ქვეყნის მიერ მიღებული იქნება გადაწყვეტილება საქართველოსთვის კანდიდატის სტატუსის მინიჭების შესახებ. იმედი მაქვს, პოზიტიური გადაწყვეტილება, რომელიც მიიღება 15 დეკემბერს, ხელს შეუწყობს პოლიტიკური სპექტრის დეპოლარიზაციას. ევროკავშირის მხრიდან ეს ძალიან ძლიერი სიგნალი იქნება, რომ კარი ევროკავშირის წევრობისთვის ღიაა საქართველოსთვის და საქართველოს ყველა პოლიტიკურმა ლიდერმა უნდა ისარგებლოს ამით, რათა სწრაფად წავიდეს წინ საჭირო რეფორმების გასატარებლად. არსებობს სახელმძღვანელო ახლად გამოვლენილი ცხრა ნაბიჯის სახით. ვიმედოვნებთ, რომ წინსვლა რაც შეიძლება მალე იქნება არჩევნებამდე. არ უნდა დაველოდოთ არჩევნებს. საჭიროა. რაც შეიძლება სწრაფად დაუახლოვდეთ ევროკავშირს, რათა გამოიყენოთ კანდიდატის სტატუსის ბენეფიტები, რათა შემდეგ ნაბიჯებზე გადავიდეთ და პროცესი დავაჩქაროთ. ჩვენ შეგვეძლება, აღვნიშნოთ არა მხოლოდ კანდიდატის სტატუსი, არამედ გაწევრიანების მოლაპარაკებების გახსნა, სხვადასხვა თავის დახურვა და შემდეგ საქართველოს სრულუფლებიანი გაწევრიანება ევროკავშირში“, – განაცხადა ჰერჩინსკიმ.

საქართველოს ყოფილმა პრეზიდენტმა, მიხეილ სააკაშვილმა გუშინდელ სასამართლო პროცესზე განაცხადა: „მინდა, მივულოცო სალომე ზურაბიშვილს, სწორი აქცენტები გაამახვილა ოლიგარქიაზე, მას შეუძლია, ხელის ერთი მოწერით დაუბრუნოს შვილებს მამა, აღადგინოს პოლიტიკური ბალანსი“.