„ჭიდაობა მოგვიწია ლეიბების შეტანაზე, მაგრამ მაინც შემოვედით," - განაცხადა დღეს, 17 ნოემბერს, ზუგდიდის საკრებულოს წევრმა, ენმ-ს წარმომადგენელმა ანი წითლიძემ.
შეგახსენებთ: მიხეილ სააკაშვილის სამოქალაქო კლინიკაში გადაყვანის მოთხოვნით, ზუგდიდის საკრებულოს წევრებიც შიმშილობენ.
მოშიმშილეებმა საკრებულოს სხდომათა დარბაზში გადაინაცვლეს და თქვეს, რომ მმართველ გუნდს ბიუჯეტის მიღების საშუალებას არ მისცემენ.
"ნაციონალური მოძრაობის" წევრი, ანი წითლიძე წერს, რომ საკრებულოში პოლიცია გაგზავნეს და მოშიმშილეების ადგილიდან გაყვანას ძალით აპირებენ.
"მოშიმშილეებმა გადმოინაცვლეს ზუგდიდის საკრებულოს სხდომათა დარბაზში. ჭიდაობა მოგვიწია ლეიბების შეტანაზე, მაგრამ მაინც შემოვედით.
ვადაგასულ საკრებულოს არ მივცემთ უფლებას არა ზუგდიდელების არამედ საკუთარი კეთილდღეობის ბიუჯეტი მიიღონ", - წერს ანი წითლიძე სოციალურ ქსელში.
