„მესამე პრეზიდენტი არის შთაბეჭდილების ქვეშ სახალხო დამცველის ეგიდით შექმნილი სპეციალისტების ჯგუფის კვალიფიციურობით და თავად სახალხო დამცველის ინსტიტუტის მიმართ" - განაცხადა დღეს, 18 ნოემბერს, მიხეილ სააკაშვილის უფლებადამცველმა, დიმიტრი საძაგლიშვილმა მასე შემდეგ, რაც გლდანის მეთვრამეტე სამკურნალო დაწესებულება დატოვა.
შეგახსენებთ: მიხეილ სააკაშვილი 1-ელ ოქტომბერს დააკავეს და 49 დღეა, შიმშილობს. სახალხო დამცველის მიერ შექმნილმა ექსპერტთა ჯგუფმა მესამე პრეზიდენტის ჯანმრთელობის მდგომარეობა მძიმედ შეაფასა. მიხეილ სააკაშვილის სამოქალაქო კლინიკაში გადაყვანის მოთხოვნით ოპოზიცია აქციებს არ წყვეტს. ამავე მოთხოვნით უკვე კვირაზე მეტია „დროას" ლიდერი, ელენე ხოშტარია შიმშილობს. ასევე, ენმ-ს ათი დეპუტატი, ექიმები და მოქალაქეების.
,,მისი ჯანმრთელობის მდგომარეობის შესახებ მოვისმინეთ კვალიფიციური შეფასება ექსპერტ ექიმთა ჯგუფის მხრიდან. ახლა ნებისმიერ დროს შეიძლება სააკაშვილის მდგომარეობა დამძიმდეს კრიტიკულად და საჭირო გახდეს გადაუდებელი სამედიცინო მომსახურების გაწევა, რისი რესურსიც მეთვრამეტე სამკურნალო დაწესებულებაში ფიზიკურად არ არსებობს", - ამბობს დიმიტრი საძაგლიშვილმა.
ის ასევე გამოეხმაურა ,,ქართული ოცნების" თავმჯდომარე ირაკლი კობახიძის განცხადებას, რომელმაც თქვა,რომ სახალხო დამცველის მიერ შედგენილი ექსპერტთა ჯგუფის დასკვნა „ფეიკია"
„ჩვენ არ ვართ მიჩვეული ადეკვატურ განცხადებებს ირაკლი კობახიძის მხრიდან. ყველა ვინც მისთვის მიუღებელ პოზიციას აფიქსირებს არის „ნაცი", მგონი მარტო მამუკა მდინარაძე არ ჰგონია „ნაციონალი". შესაბამისად, რა შედეგი მოჰყვება მის განცხადებებს ჩემთვის უცნობია და ვერ გავაკეთებ პროგნოზს იმდენად არაადეკვატურად იქცევა ხელისუფლება", - განაცხადა დიმიტრი საძაგლიშვილმა.
