„ჩვენი გადაწყვეტილებით, ქალბატონი პრეზიდენტი მიიღებს მონაწილეობას ჩვენი ქვეყნის სახელით დემოკრატიის სამიტზე," - განაცხადა დღეს, 22 ნოემბერს, საქართველოს პრემიერმა, ირაკლი ღარიბაშვილმა მთავრობის სხდომაზე.
"რამდენიმე კვირის წინ გავავრცელეთ ინფორმაცია, რომ საქართველომ მიიღო მოსაწვევი პრეზიდენტ ბაიდენისგან დემოკრატიის სამიტზე. ახლა ჩვენ მივიღეთ მოსაწვევი ქალბატონ პრეზიდენტის სახელზეც და ჩვენი გადაწყვეტილებით, ქალბატონი პრეზიდენტი მიიღებს მონაწილეობას ჩვენი ქვეყნის სახელით აღნიშნულ დემოკრატიის სამიტზე, რომელიც გაიმართება 10 დეკემბერს",- თქვა ირაკლი ღარიბაშვილმა.
შეგახსენებთ: საქართველოს მესამე პრეზიდენტი, მიხეილ სააკაშვილი, საერთაშორისო გამოცემა POLITICO-თვის გაგზავნილ წერილში ბაიდენის ადმინისტრაციას მოუწოდებს, რომ გააუქმოს გადაწყვეტილება, მიიწვიოს საქართველოს მთავრობა მომავალ სამიტზე.
