პალესტინის სახელმწიფოს შექმნის იდეა ისრაელის უსაფრთხოებას ეწინააღმდეგება, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ თელ ავივში გამართულ პრესკონფერენციაზე განაცხადა.
„ნებისმიერი სამომავლო შეთანხმების შემთხვევაში ისრაელს სჭირდება უსაფრთხოების კონტროლი იორდანიის დასავლეთით მდებარე მთელ ტერიტორიაზე. ეს ეწინააღმდეგება პალესტინის სუვერენიტეტის იდეას. ბევრმა ქვეყანამ, მათ შორის აშშ-მაც, მოითხოვა პალესტინის სახელმწიფოს შექმნა. ეს კონფლიქტი ეხება არა პალესტინის სახელმწიფოს არარსებობას, არამედ ებრაული სახელმწიფოს არსებობას“, – აღნიშნა ნეთანიაჰუმ.
ისრაელის პრემიერ-მინისტრის თქმით, ისრაელელი პოლიტიკოსები, რომლებიც მის გადადგომას ითხოვენ, პალესტინის სახელმწიფოს შექმნას ემხრობიან.
„ისინი, ვინც ნეთანიაჰუს მომდევნო დღეზე საუბრობენ, რეალურად საუბრობენ პალესტინის სახელმწიფოს შექმნაზე. ისრაელის პრემიერ-მინისტრს უნდა შეეძლოს ჩვენი მეგობრებისთვის უარის თქმა“, – განაცხადა ნეთანიაჰუმ.
1tv.ge
