„შედეგი შეიძლება მოჰყვეს ის, რომ პირები, ვინც ირიბად ან პირდაპირ იყვნენ ამ საქმეში, ევროკავშირმა დაასანქცირონ,“ - ამ განცხადებას არასამთავრობო ორგანიზაცია „ხალხის ხმას“ წარმომადგენელი მაკა მინდიაშვილი „რეაქციაში“ აკეთებს. მინდიაშვილის თქმით, მიმართვა, რომელსაც უკრაინის პრეზიდენტს, რადას და ომბუდსმენს გადაუგზავნიან, შედეგს აუცილებლად მოიტანს სააკაშვილის საქმეში.
მაკა მინდიაშვილი ივანიშვილს მიმართავს და მიხეილ სააკაშვილის პატიმრობიდან გათავისუფლებას ურჩევს.
"იმედი გვაქვს, რომ უკრაინა დაიწყებს გამოძიებას თავისი მოქალაქის საქმეზე და ამ საქმეში ჩართული იქნება მარტო უკრაინა კი არა, არამედ ევროკავშირი და მთელი საერთაშორისო სისტემა, იმიტომ, რომ მიხეილ სააკაშვილი მსოფლიო პოლიტიკური ფიგურაა. ზელენსკიმ უნდა მიმართოს აუცილებლად საერთაშორისო ორგანიზაციებს, რომ ჩაერთვნენ გამოძიებაში აქტიურად, მისი წამების და არაადამიანურად მოპყრობის ფაქტებთან დაკავშირებით და უნდა გამოავლინონ ის ადამიანები, ვინც ირიბად თუ პირდაპირ იყო ჩართული მიხეილ სააკაშვილის მიმართ არასათანადოდ მოპყრობის საქმეში. შედეგი შეიძლება მოჰყვეს ის, რომ პირები, ვინც ირიბად ან პირდაპირ იყვნენ ამ საქმეში, ევროკავშირმა დაასანქცირონ.
მინდა, მივმართო ბიძინა ივანიშვილს, რომ თუ ღირსეული ბრძოლა გინდათ, უნდა ებრძოლოთ ღირსეულ მოწინააღმდეგეს და თქვენი ღირსეული მოწინააღმდეგე არის მიხეილ სააკაშვილი, რომელსაც ციხეში ამყოფებთ, გამოუშვით და იბრძოლეთ ღირსეულად,“ - ამბობს მაკა მინდიაშვილი.
