"ერთიანი ნაციონალური მოძრაობის" პოლიტიკური საბჭოს წევრი ლევან ბეჟაშვილი და საპარლამენტო ფრაქცია "ერთიანი ნაციონალური მოძრაობის" დეპუტატი ანა წითლიძე სტრასბურგში, ევროპის საბჭოს საპარლამენტო ასამბლეაში, ევროპელი კონსერვატორებისა და დემოკრატიული ალიანსის თავმჯდომარეს იან ლიდელი-გრეინჯერს შეხვდნენ.
ანა წითლიძის თქმით, შეხვედრაზე განხილვის მთავარი საგანი პუტინის ტყვეობაში მყოფი მიხეილ სააკაშვილის უკანონო პატიმრობა იყო.
შევხვდით ევროპელი კონსერვატორებისა და დემოკრატიული ალიანსის თავმჯდომარეს ევროპის საბჭოს საპარლამენტო ანსამბლეაში - იან ლიდელი-გრეინჯერს. მთავარი განსახილველი საკითხები იყო მიხეილ სააკაშვილის უკანონო პატიმრობა, 2024 წლის საპარლამენტო არჩევნები და საერთაშორისო დამკვირვებლები." – წერს ანა წითლიძე სოციალურ ქსელში.
