„საქმე პოლიტიკურია და მიხეილ სააკაშვილის განეიტრალებას ისახავს მიზნად," - განაცხადა დღეს, 9 დეკემბერს მიხეილ სააკაშვილის ადვოკატმა, შოთა თუთბერიძემნ დღევანდელ სასამართლო პროცესზე საუბრისას.
შეგახსენებთ: დღეს, 9 დეკემბერს, თბილისის საქალაქო სასამართლოშ მიხეილ სააკაშვილის მორიგი სასამართლო პროცესი გაიმართება. განხილვაშია საქართველოს საზღვრის უკანონო კვეთა. სხდომა 12:00 საათზეა ჩანიშიშნული, რომელსაც მესამე პრეზიდენტი არ დაესწრება.
„ბოლო 9 წელია მას ემუქრებიან, ეჩხუბებიან, ეხვეწებიან, მათ შორის ხელისუფლების წევრები, რომ ჩამოვიდეს საქართველოში. ბოლოს და ბოლოს მიხეილ სააკაშვილი დაბრუნდა სამშობლოში და ახლა ხელისუფლება ასამართლებს იმისთვის, რომ ჩამოვიდა საქართველოში. ეს კიდევ ერთხელ ადასტურებს იმას, რომ ხელისუფლებას არათუ მართლმსაჯულების აღსრულების სურვილი აქვს, არამედ ამოძრავებს და ამოძრავებდა ერთადერთი მიზეზი - რაც პრემიერმა საჯაროდ განაცხადა, ეს იყო მიხეილ სააკაშვილის პოლიტიკიდან ჩამოშორება. ეს რა თმაუნდა არ მოხდა და მიხეილ სააკაშვილის "რეალური დანაშაული" არის ის, რომ მან განაგრძო ქართულ პოლიტიკაში აქტიური მონაწილეობა და მან განაგრძო ქვეყნის საზოგადოებრივ ცხოვრებაში აქტიური მონაწილეობა," - განაცხადა შოთა თუთბერიძემ.
