ექიმები თუ იტყვიან, რომ მას აქვს ჯანმრთელობის ისეთი პრობლემები, რომელთა რეაბილიტაცია შეუძლებელია ციხის პირობებში და შესაბამისი რეკომენდაცია გაიცემა, შეიძლება ამაზე ვისაუბროთ," - განცხადა, დღეს, 10 დეკემბრს, საქართველოს სახალხო დამცველმა, ნინო ლომჯარიამ მიხეილ სააკაშვილის საზღვარგარეთ შესაძლო მკურნალობის საჭიროებაზე საუბრისას.
შეგახსენებთ: 50-დღიანი შიმშილობის შემდეგ, მიხეილ სააკაშვილის რამდენიმე კვირაა, სარეაბილიტაციო კურსს გორის სამხედრო ჰოსპიტალში გადის, სადაც გლდანის ციხიდან გადაიყვანეს.
„ექიმები თუ იტყვიან, რომ მას აქვს ჯანმრთელობის ისეთი პრობლემები, რომელთა რეაბილიტაცია შეუძლებელია ციხის პირობებში და შესაბამისი რეკომენდაცია გაიცემა, შეიძლება ამაზე ვისაუბროთ. ამ ეტაპზე, ბოლო ვიზიტის მიხედვით,ასეთი რამ ჩემი კონსილიუმის ექიმების მხრიდან არ თქმულა, თუმცა საინტერესოა, ვნახოთ და დღეს შევაფასოთ, რა ვითარებაა. ამიტომ წინასწარ ვერაფერს ვიტყვი. პაციენტს თუ აქვს ისეთი მდგომარეობა, რომლის რეაბილიტაცია შეუძლებელია საქართველოში, რა თქმა უნდა, ჰუმანიტარული მიზნებიდან, ადამიანის სიცოცხლისა და ჯანმრთელობის დაცვის ინტერესებიდან გამომდინარე, ესეც შეიძლება იყოს განხილული, თუმცა მე ამ წუთას ის მტკიცებულებები არ მაქვს, რომელიც მათქმევინებდა, რომ ეს საჭიროება არსებობს," - განაცხადა ლომჯარიამ.
