პრემიერ-მინისტრობისა და მინისტრობის კანდიდატებთან საპარლამენტო უმრავლესობის შეხვედრა დახურულ რეჟიმში მიმდინარეობს. ამის შესახებ გადაწყვეტილება დეპუტატებმა შეხვედრის დაწყებისას მიიღეს.
მამუკა მდინარაძემ დღევანდელი ფორმატის შესახებ განმარტება გააკეთა.
„ბატონი ირაკლი წარმოადგენს პრეზენტაციას. ბევრი დრო არ გვაქვს და ვთხოვთ, რაც შეიძლება მოკლედ წარმოადგინოს შემდეგ ჩვენ ორ-ორი წუთი ავიღოთ, რათა კითხვები დავსვათ. მგონია, რომ ზედმეტი შეკითხვები არაბუნებრივიც იქნება ჩვენი მხრიდან და წინ გვაქვს ვრცელი დღე, დიდი დღე, სადაც ასევე მოგვეცემა ჩვენი პოზიციების გამოთქმის საშუალება,ისევე როგორც კითხვების დასმის საშუალება. ვინაიდან ეს არის უმრავლესობის შეხვედრა მთავრობის მომავალ შემადგენლობასთან, მისი სპეციფიკიდან, თავისებურებიდან გამომდინარე, გთავაზობთ, შეხვედრა იყოს დახურულ“, – განაცხადა მამუკა მდინარაძემ.
