საქართველოს დაბრუნება წმინდა მიწაზე ეს მართლაც ისტორიული მოვლენაა-დავით ზალკანიანი
მდინარე იორდანესთან, მაცხოვრის ნათლობის ადგილის მიმდებარედ საქართველოს მიწის ფართობი გადაეცა
ადამიანების წინაშე მრავალი განსაცდელია, მაგრამ გვახსოვდეს, რომ ღმერთი იცავს ყველას განსაცდელისგან-ილია მეორე
არ ვაპირებთ, დამატებით განვახორციელოთ სააკაშვილთან ვიზიტი-ნინო ლომჯარია
სააკაშვილისთვის საჭიროა ფსიქოლოგიური და ფიზიკური რეაბილიტაცია-თენგიზ წულაძე
ევროპის მოედანზე ტრანსპორტის მოძრაობა დროებით შეიზღუდება
43 გარდაცვლილი და 8 728 ახალი შემთხვევა-19 იანვრის კოვიდსტატისტიკა
არსებობს საარჩევნო პროცესის მიმართ ნდობის დეფიციტი-კელი დეგნანი

ერევანში ფაშინიანის თბილისში ვიზიტს აფასებენ: რთულია სომხეთ-საქართველოს ურთიერთობის პერსპექტივაზე საუბარი

12.21.2021 | 23:50

სომხურ გამოცემა «Այսօր»-ში („დღეს") გამოქვეყნებულია კომენტარი საქართველოში სომხეთის პრემიერ-მინისტრის ნიკოლ ფაშინიანის ვიზიტთან დაკავშირებით, რომელიც ეხება სამხრეთ კავკასიაში სატრანსპორტო დერეფნების გახსნას და ამასთან დაკავშირებით, გამოხატულია აზრი, თუ რა გავლენას მოახდენს ეს ფაქტი საქართველოს ეკონომიკაზე.
„დღეს საქართველოსა და სომხეთს შორის პარტნიორული და კეთილმეზობლური ურთიერთობები არსებობს, მაგრამ არის ტენდენცია იმისა, რომ სიტუაცია ახალ დონეზე გადადის", - ამბობს «Այսօր»-ის კორესპონდენტთან ინტერვიუში ჯონი მელიქიანი, საქართველოს საკითხების ექპერტი.
მისი თქმით, სომხეთ-აზერბაიჯანს შორის 44-დღიანი ომის შედეგების, კორონავირუსის ეპიდემიისა და რეგიონში მომხდარი სხვა ცვლილებების გათვალისწინებით, დღეს რთულია სომხეთ-საქართველოს ურთიერთობის პერსპექტივაზე საუბარი. თუმცა ძალიან მნიშვნელოვანია, რომ საქართველოში სომხეთის პრემიერ-მინისტრის ვიზიტის ჩარჩოებში, სამთავრობოთაშორისო კომისიის სხდომაც ჩატარდა. „შეიძლება ითქვას, რომ ეს ფაქტი სომხეთ-საქართველოს წლიური ურთიერთობის ინსტიტუციურ განზოგადებას ნიშნავს".
ექსპერტის აზრით, რასაკვირველია, სამომავლოდ იქნება ახალი ინიციატივები, ახალი წინადადებები. უკვე გამოცხადდა, რომ ორმხრივი ვაჭრობის მოცულობა ერთ მილიარდ დოლარამდე უნდა გაიზარდოს.
„ეს არც მცირეა და არც დიდი, თუმცა ამოცანის რეალიზებას დიდი მუშაობა დაჭირდება. მთავარია, რომ რეგიონში მშვიდობა და სტაბილურობა იყოს", - ამბობს ჯონი მელიქიანი.
იგი იმავდროულად ყურადღებას ამახვილებს საქართველოს როლსა და მდგომარეობაზე იმ ახალ სიტუაციაში, რომელიც სამხრეთ კავკასიაშია ჩამოყალიბებული.
„ცხადია, ერთი მხრივ, დღევანდელი რეგიონული პროცესები ახალ შესაძლებლობებს იძლევა, მაგრამ, მეორე მხრივ, ახალ გამოწვევებსაც ქმნის საქართველოსთვის: სატრანსპორტო კომუნიკაციების განბლოკვამ სომხეთსა და აზერბაიჯანს შორის [მაგალითად, „ზანგეზურის დერეფანის" სახით] შეიძლება საქართველოს ეკონომიკაზე [ნეგატიური] გავლენა მოახდინოს. ბოლო დრომდე ის „სტატუს-ქვო", რომელიც რეგიონში მრავალი წლის განმავლობაში არსებობდა, ძალიან მომგებიანი იყო საქართველოსთვის", - ამბობს ექსპერტი და დასძენს, - შესაბამისად, თბილისს პოლიტიკური და ეკონომიკური გააქტიურება მოუწევს ახალ სიტუაციაში გაჩენილი გამოწვევების გადასალახავად..
როგორც ჯონი მელიქიანი აღნიშნავს ინტერვიუს დასასრულს, დღეს საკმაოდ ბევრი შესაძლებლობა არსებობს იმისთვის, რომ სომხეთმა და საქართველომ ერთობლივი პროექტები შეიმუშაონ.