რუსი მოხალისეები, ლეგიონ „თავისუფალი რუსეთის“ წევრები აცხადებენ, რომ რუსეთის ფედერაციის კურსკის ოლქის ტეტკინოს დასახლებაში რუსული არმიის საბრძოლო მასალის ორი საცავი გაანადგურეს.
„ვიდრე პუტინის არმია ანგრევს სამოქალაქო პირების სახლებს, ლეგიონის არტილერისტებმა საგულდაგულოდ გაანადგურეს პუტინის ჯარების 2 საბრძოლო საცავი ტეტკინოში. ის მშვენივრად იწვის“, - აღნიშნულია ლეგიონ „თავისუფალი რუსეთის“ განცხადებაში.
შეგახსენებთ, განცხადება გაავრცელა რუსეთის თავდაცვის უწყებამაც, რომლის მტკიცებით, უკრაინელი დივერსანტები ბელგოროდისა და კურსკის ოლქებში შეჭრას შეეცადნენ, მაგრამ მათი ქმედება რუსეთის ძალოვანმა უწყებებმა შეაჩერეს.
