რადოსლავ სიკორსკი - ვლადიმერ პუტინს უკრაინასთან ომის 5 წუთში დასრულება შეუძლია
04.26.2024 | 09:46 ნახვები: 234
პოლონეთის საგარეო საქმეთა მინისტრის, რადოსლავ სიკორსკის განცხადებით, რუსეთის პრეზიდენტს, ვლადიმერ პუტინს შეუძლია, უკრაინაში დაწყებული ომი ხუთ წუთში დაასრულოს - რუსეთის თავდაცვის მინისტრ სერგეი შოიგუსთან ერთი სატელეფონო ზარით.
მედიის ინფორმაციით, ერთ-ერთმა პოლონელმა პარლამენტარმა სიკორსკის ჰკითხა, აქვს თუ არა პოლონეთს უკრაინაში კონფლიქტის მოგვარების სცენარები.
”დიახ, აქვს. უკრაინის საერთაშორისოდ აღიარებული საზღვრების აღდგენა პრეზიდენტ ვლადიმირ ზელენსკის ე.წ. მშვიდობის ფორმულის შესაბამისად“, - აღნიშნა სიკორსკიმ.
მისი თქმით, ვლადიმერ პუტინს შეუძლია ომის ხუთ წუთში შოიგუსთან ერთი სატელეფონო ზარით და სიტყვებით : „უკრაინიდან ჯარები გაგვყავს“.
„სამწუხაროდ, უკრაინა ომს ერთი სატელეფონო ზარით ვერ დაასრულებს, ეს დიდი განსხვავებაა“, - აღნიშნა პოლონეთის საგარეო უწყების ხელმძღვანელმა.
