ნიკა მაჭუტაძე ოხანაშვილს - სულ წარმომედგინეთ ჰენრი ნავარას როლში, მაგრამ რიჩარდ მესამის როლში ყოფილხართ
04.29.2024 | 15:26 ნახვები: 253
მე სულ წარმომედგინეთ თქვენ ჰენრი ნავარას როლში, მაგრამ თქვენ რიჩარდ მესამის [როლში ყოფილხართ] - ცუდი არაფერი მითქვამს, ბაკინგემს წამები მაინც აჩუქა და თქვენ ამ ხაბეიშვილს ერთი წამიც არ აჩუქეთ, - ასე მიმართა ოპოზიციონერმა დეპუტატმა ნიკა მაჭუტაძემ იურიდიულ საკითხთა კომიტეტის თავმჯდომარეს ანრი ოხანაშვილს.
„ბატონო ანრი, მცირე შესავლით დავიწყებ, რასაკვირველია, მუხლობრივზეც მაშინვე გადავალ - მე სულ წარმომედგინეთ თქვენ ჰენრი ნავარას როლში, მაგრამ თქვენ რიჩარდ მესამის [როლში ყოფილხართ].
ცუდი არაფერი მითქვამს, ბაკინგემს წამები მაინც აჩუქა და თქვენ ამ ხაბეიშვილს ერთი წამიც არ აჩუქეთ: „რომელი საათია თქვენო მოწყალებავ? ათს წამებიღა აკლია თქვენო ხელმწიფებავ, მაშ, მიჩუქნია ეს წამები თქვენთვის, ბაკინგემ!“ - განაცხადა მაჭუტაძემ.
ოხანაშვილმა მას კითხვის დასმისკენ მოუწოდა.
„ჰენრი მეოთხეზეც არ გადახვიდეთ ახლა, ბურბონებზე, შეკითხვა დასვით! კარგი გადახვევაა, მაგრამ გადადით შეკითხვაზე“- მიმართა ოხანაშვილმა მაჭუტაძეს.
IPN
