დამწვრობის ცენტრის ხელმძღვანელის, გუგა ქაშიბაძის ინფორმაციით, ტყიბულის შახტში დაშავებული რვა პირიდან სამი დამწვრობისა და რეანიმაციულ განყოფილებაშია მოთავსებული. მისივე თქმით, მათგან ერთის მდგომარეობა განსაკუთრებით მძიმეა.
„გამთენიისას შემოიყვანეს რვა მეშახტე. მათ სავარაუდოდ მეთანის აფეთქების შედეგად მიიღეს სხვადასხვა სახის დაზიანება. სამი პირი მოთავსებულია დამწვრობისა და რეანიმაციულ განყოფილებაში, მათგან ერთის მდგომარეობა განსაკუთრებით მძიმეა. მას სხეულის 60% აქვს დაზიანებული, რასაც ემატება სასუნთქი გზების დაზიანება და განგრძობითი შოკი. ამ ეტაპისთვის ყველას ჯანმრთელობის მდგომარეობა სტაბილურია", - განაცხადა გუგა ქაშიბაძემ.
შეგახსენებთ,
ტყიბულის შახტში გვიან ღამით მომხდარ შემთხვევას ერთი ადამიანი ემსხვერპლა, რვა კი დაშავდა. როგორც საქართველოს პირველ არხს შინაგან საქმეთა სამინისტროში განუცხადეს, ფაქტზე გამოძიება სსკ-ის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
