წალენჯიხის მუნიციპალიტეტის მერი, გია ხარჩილავა გარდაიცვალა. გია ხარჩილავას გარდაცვალების მიზეზად ახლობლები, სავარაუდოდ, თრომბს ასახელებენ.
ცნობისთვის, გია ხარჩილავა 1954 წელს დაიბადა. მან 1991 წელს დაამთავრა საქართველოს ტექნიკური უნივერსიტეტის მექანიკა-მანქანათმშენებლობის ფაკულტეტი.
2006–2010 წლებში იყო წალენჯიხის მუნიციპალიტეტის საკრებულოს თავმჯდომარე.
2021 წლის ადგილობრივი თვითმმართველობის ორგანოების არჩევნებში ხარჩილავა ერთადერთია ოპოზიციის წევრებს შორის, ვინც თვითმმართველობის არჩევნებში გაიმარჯვა და წალენჯიხის მერი გახდა.
