დონალდ ტრამპი - რუსეთ-უკრაინასთან დაკავშირებით არაფერი მოხდება, ვიდრე პუტინს არ შევხვდები
15.05.2025 ნახვები: 221
რუსეთ-უკრაინასთან დაკავშირებით არაფერი მოხდება, ვიდრე პუტინს არ შევხვდები, - ამის შესახებ აშშ-ის პრეზიდენტმა, დონალდ ტრამპმა ჟურნალისტებს თვითმფრინავის ბორტზე განუცხადა.
აშშ-ის პრეზიდენტის განცხადებით, თურქეთში უკრაინასთან მოლაპარაკებების გამართვის მიზნით ჩასული რუსული დელეგაციის შესახებ არაფერი იცის.
„არაფერი მოხდება, სანამ ჩემი და პუტინის შეხვედრა არ შედგება. რა თქმა უნდა, ის არ ჩავიდოდა თუ მე იქ არ ვიქნებოდი“, - განაცხადა დონალდ ტრამპმა.
ცნობისთვის, მანამდე აშშ-ის პრეზიდენტმა განაცხადა, რომ „მზად არის, საჭიროების შემთხვევაში, რუსეთ-უკრაინის მოლაპარაკებებისთვის 16 მაისს თურქეთში ჩავიდეს“.
