უკრაინის შეიარაღებული ძალების მთავარსარდლის, ალექსანდრ სირსკის განცხადებით, მოსკოვმა უკრაინის წინააღმდეგ აგრესია გამოფიტვის ომად აქცია და იყენებს ჯარების გაერთიანებულ ძალას, რომლის საერთო რაოდენობა 640 000-მდე ადამიანია.
„სამართლიანი მშვიდობის მიღწევის იმედი გვაქვს, თუმცა ამჟამად აქტიური საბრძოლო მოქმედებები ფრონტის ხაზის დაახლოებით 1 100 კილომეტრიან მონაკვეთზე გრძელდება. დიპლომატიური მოწოდებების მიუხედავად, რუსეთი არ თმობს თავის წინა საბრძოლო მიზნებს; მოსკოვმა უკრაინის წინააღმდეგ აგრესია გამოფიტვის ომად აქცია და 640 000-მდე ადამიანისგან შემდგარ გაერთიანებულ ძალას იყენებს“, - აღნიშნა სირსკიმ.
მისი თქმით, უკრაინელი ჯარისკაცები აგრძელებენ ეფექტური თავდაცვითი ოპერაციის ჩატარებას, რაც მოწინააღმდეგეს მნიშვნელოვანი დანაკარგებს აყენებს.
