დონალდ ტრამპსა და ვოლოდიმირ ზელენსკის შორის ხანგრძლივი სატელეფონო საუბარი შედგა, - ამის შესახებ ინფორმაციას Sky News-ი თეთრ სახლზე დაყრდნობით ავრცელებს.
თეთრი სახლის განცხადებით, უკრაინის პრეზიდენტთან, ვოლოდიმირ ზელენსკისთან სატელეფონო საუბრის შემდეგ აშშ-ის პრეზიდენტი, დონალდ ტრამპი ევროპელ ლიდერებს ესაუბრა.
ევროკომისიის პრესსპიკერის ცნობით, დონალდ ტრამპი ვოლოდიმირ ზელენსკის, დიდი ბრიტანეთის პრემიერ-მინისტრ კირ სტარმერს, საფრანგეთის პრეზიდენტ ემანუელ მაკრონს, გერმანიის კანცლერ ფრიდრიხ მერცს, ნატო-ს გენერალურ მდივან მარკ რუტესა და ევროკომისიის პრეზიდენტ ურსულა ფონ დერ ლაიენს ერთ საათზე მეტხანს ესაუბრა.
დონალდ ტრამპი ალასკიდან ენდრიუსის ბაზაზე ჩავიდა, თუმცა მედიასთან კომენტარი არ გაუკეთებია.
