როგორც ჩანს, ჩვენს დასავლელ მეგობრებს სიამოვნებთ მყუდრო კაფეებში ჯდომა და დანგრეული უკრაინის ფოტოების ყურება, - აღნიშნულის შესახებ უკრაინის პრეზიდენტის ოფისის ხელმძღვანელის მრჩეველმა მიხაილ პოდოლიაკმა საკუთარ „ტვიტერის" გვერდზე დაწერა.
„როგორც ჩანს, ჩვენს მეგობრებს სიამოვნებთ პარიზის, ბერლინის, ნიუ იორკის ან ბუდაპეშტის მყუდრო კაფეებში ჯდომა, კროასანთან ერთად ყავის აუჩქარებლად სმა და უკრაინის ქალაქების ფოტოების ყურება, რომლებსაც მიწასთან ასწორებენ პირდაპირ ეთერში. ჩვენი ქალაქები კი კვდებიან, მაგრამ მაინც იბრძვიან", - წერს მიხაილო პოდოლიაკი.
აღსანიშნავია, რომ გასულ დღეს უკრაინის პრეზიდენტის ოფისის ხელმძღვანელის მრჩეველმა დასავლელ პარტნიორებს უკრაინის საჰაერო სივრცის დაკეტვისკენ მოუწოდა.
„ჩვენო „სამართლიანო" დასავლელო პარტნიორებო. ვიდრე თქვენ ფიქრობთ, რუსი ჯარისკაცები ჩვენი აეროდრომების განადგურებას ცდილობენ. რათა აღარ გვქონდეს თვითმფრინავები. რათა ვერ შევძლოთ ჩვენ თვითონ ცის დაკეტვა. შემდეგ კი დაბომბონ მშვიდობიანი ქალაქები და მოსახლეობა. ნამდვილად გსურთ ამის ხილვა თქვენს ტელევიზორში?", - ნათქვამია მახაილ პოდოლიაკის მიერ „ტვიტერით" გავრცელებულ განცხადებაში.
დასავლელ პარტნიორებს საჰაერო სივრცის დაკეტვისკენ მოუწოდებენ ქვეყნის პრეზიდენტი, ვოლოდიმირ ზელენსკი და უკრაინის მთავრობის სხვა წარმომადგენლებიც.
