რუსეთი ომის დასრულებასთან დაკავშირებით აშშ-ის პრეზიდენტის მოწოდებებს უგულებელყოფს, – ამის შესახებ უკრაინის პრეზიდენტმა, ვოლოდიმირ ზელენსკიმ სოციალურ ქსელში დაწერა.
ზელენსკიმ ეს განცხადება მას შემდეგ გააკეთა, რაც რუსეთმა უკრაინის რამდენიმე ქალაქში მშვიდობიან მოსახლეობას დრონებით შეუტია.
„მაშინ, როდესაც მსოფლიო, განსაკუთრებით კი შეერთებული შტატები, რუსეთს მშვიდობისკენ მოუწოდებს, ისინი მშვიდობიან მოსახლეობას თავს კიდევ ერთხელ ესხმიან. ვისმენთ ტრამპის პოზიციას მკვლელობების დასრულებასთან დაკავშირებით და ვეთანხმებით ყველა წინადადებას, რომელიც დიპლომატიისკენ არის მიმართული. თუმცა, როგორც ჩანს, რუსეთში ამ პოზიციას არ ისმენენ“, – აღნიშნა უკრაინის პრეზიდენტმა.
ამასთან, ვოლოდიმირ ზელენსკიმ უკრაინის გაზლიერებისკენ მიმართულ ინიციატივებზეც გაამახვილა ყურადღება.
„მაგიდაზეა შეთანხმებები დრონებისა და იარაღის შესყიდვების შესახებ, რომლებიც უკრაინამ ამერიკას შესთავაზა. საჭიროა გადამწყვეტი ქმედებები, რათა რუსეთი დიპლომატიაზე საბოლოოდ დავითანხმოთ“, – წერს ვოლოდიმირ ზელენსკი სოციალურ ქსელში.
