მეუფე გიორგი ჯამდელიანი ლაშა ნაცვლიშვილს: საჯაროდ მოიხადეთ ბოდიში და მეუფე იობის წინაშე შენდობა ითხოვეთ
ელენე ხოშტარია: რუსეთის თავდაცვის სამინისტრო საქართველოს მოქალაქეების ომში ჩასართავად რეკლამებს ავრცელებს, ხელისუფლება კი დუმს
ხვიჩა კვარაცხელია მერაბ დვალიშვილსა და საბა ლაზიშვილზე თავდასხმაზე: ლაჩრულად, ზურგიდან მიპარვით შეეცადნენ თქვენს დაჩაგვრას — ქართველებთან ეს არასდროს გამოუვათ
პროკურორი დავით ფეიქრიშვილის განცხადებაზე: ტელეფონები დალუქული იყო, პროკურორს მათთან შეხება არ ჰქონია
საერთო ისტორია და კულტურული კავშირები: ექსპერტებმა ქართულ-რუსული ურთიერთობები განიხილეს
ევა გოცირიძე „ქართულ ოცნებას“: თუ ოპოზიციური პარტიები ისედაც მილევად რეჟიმში არიან, რაში გვჭირდება მათი აკრძალვა?
ანა წითლიძე: „ქართული ოცნება“ ბევრი მიზეზის გამო ასაკრძალი მგონია, მაგრამ ამის შესაძლებლობა რომ მქონდეს, არასდროს ავკრძალავდი
დავით ფეიქრიშვილი: ჩემი წამების მიზანი ტელეფონის პაროლის მიღება იყო – ამაში ციხისა და პენიტენციური სამსახურის ხელმძღვანელებიც მონაწილეობდნენ

„ევროპის სახალხო პარტია“ - მოვუწოდებთ ევროპის საბჭოს და ევროკავშირის სახელმწიფოებს, დაუწესონ პერსონალური სანქციები საქართველოში, არჩევნების გაყალბებაში, ადამიანის უფლებების დარღვევასა და ოპონენტებისა და აქტივისტების დევნაში პასუხისმგებელ პირებს

ნახვები: 608 „ევროპის სახალხო პარტია“ - მოვუწოდებთ ევროპის საბჭოს და ევროკავშირის სახელმწიფოებს, დაუწესონ პერსონალური სანქციები საქართველოში, არჩევნების გაყალბებაში, ადამიანის უფლებების დარღვევასა და ოპონენტებისა და აქტივისტების დევნაში პასუხისმგებელ პირებს

„ევროპის სახალხო პარტია” მოუწოდებს ევროკავშირს და მის წევრ სახელმწიფოებს, ასევე ეროვნულ პარლამენტებსა და პარლამენტთაშორის ინსტიტუტებს, არ აღიარონ „ქართული ოცნების“ ერთპარტიული პარლამენტის ან მის მიერ დანიშნული პრეზიდენტის ლეგიტიმურობა, რადგან 2024 წლის ოქტომბრის საპარლამენტო არჩევნები ფუნდამენტურად არასწორი იყო, - ამის შესახებ აღნიშნულია “ევროპის სახალხო პარტიის“ რეზოლუციაში, რომელიც პარტიის პოლიტიკურმა ასამბლეამ ვილნიუსში დღეს დაამტკიცა.

პარტია ხაზს უსვამს, რომ კიდევ ერთხელ ადასტურებს სოლიდარობას ქართველი ხალხის მიმართ მათი ლეგიტიმური დემოკრატიული უფლებებისა და სუვერენული, დემოკრატიული, ევროპული მომავლისთვის.

„ევროპის სახალხო პარტია“ გმობს „ქართული ოცნების“ ავტორიტარიზმისა და რუსეთის ორბიტისკენ სწრაფვას და მოითხოვს ყველა პოლიტიკური პატიმრის დაუყოვნებლივ და უპირობოდ გათავისუფლებას, ყველა რეპრესიული კანონმდებლობის აღსრულების შეჩერებას და პოლიტიკურად მოტივირებული სასამართლო პროცესების ბოროტად გამოყენებისა და საკუთარი მოქალაქეების წინააღმდეგ ტერორის დასრულებას“, - აღნიშნულია დოკუმენტში.

პარტია მოითხოვს შესაბამისი საერთაშორისო ინსტრუმენტების გამოყენებას პოლიციის სისასტიკისა და მშვიდობიანი დემონსტრანტების წინააღმდეგ ძალის გადაჭარბებული გამოყენების დამოუკიდებელი, გამჭვირვალე და მიუკერძოებელი გამოძიებისთვის.

„პარტია მოუწოდებს ევროკავშირის ყველა წევრ სახელმწიფოს და მსგავსი შეხედულებების მქონე საერთაშორისო პარტნიორებს, გამოიყენონ საერთაშორისო ინსტრუმენტები, მათ შორის ევროპის საბჭოს GRECO და Moneyval, რათა თვალყური ადევნონ საქართველოში კორუფციისა და ფულის გათეთრების ბოლოდროინდელ გახმაურებულ საქმეებს; ხაზს უსვამს, რომ „ქართული ოცნება“ სრულად არის პასუხისმგებელი იმ შედეგებზე, რაც შეიძლება მოჰყვეს საქართველოს მოქალაქეების გარკვეული კატეგორიებისთვის უვიზო რეჟიმის შესაძლო შეჩერებას გადასინჯული 2018/1806 რეგულაციის 8ა(1)(ჰ) მუხლის შესაბამისად და მოუწოდებს ევროკომისიას, უზრუნველყოს, რომ ეს ინსტრუმენტები მიზანმიმართულად იქნას გამოყენებული პასუხისმგებელ თანამდებობზე მყოფი პირებისა და მათი ოჯახებისთვის“, - აღნიშნულია რეზოლუციაში.

პარტია მოუწოდებს ევროპის საბჭოს და ევროკავშირის წევრ სახელმწიფოებს, დაუწესონ პერსონალური სანქციები რეჟიმის მმართველ, ფინანსურ და პროპაგანდისტულ ელიტებს, ასევე არჩევნების გაყალბებაში, ადამიანის უფლებების დარღვევასა და პოლიტიკური ოპონენტებისა და აქტივისტების დევნაში პასუხისმგებელ პირებს.

„მოუწოდებს „ქართულ ოცნებას“, გააუქმოს საჯაროდ გამოცხადებული განზრახვა, მიმართოს საკონსტიტუციო სასამართლოს „ერთიანი ნაციონალური მოძრაობის“ და სხვა დემოკრატიული პარტიების არაკონსტიტუციურად ცნობის მოთხოვნით. მოუწოდებს „ქართულ ოცნებას“, დაადგინოს კონკრეტული თარიღი ახალი, თავისუფალი, სამართლიანი და კონკურენტული საპარლამენტო არჩევნების ჩასატარებლად, სადაც სახელმწიფო ინსტიტუტები, მათ შორის ცენტრალური საარჩევნო კომისია, იმუშავებენ პოლიტიკური ჩარევის გარეშე და არა სახელმწიფოს მიტაცების პირობებში“, - აღნიშნულია რეზოლუციაში.

ყველას ნახვა
ყველას ნახვა
ყველას ნახვა