აშშ-ის პრეზიდენტმა, დონალდ ტრამპმა ხელი მოაწერა საპრეზიდენტო მემორანდუმს, რომელიც 66 საერთაშორისო ორგანიზაციიდან შეერთებული შტატების გასვლას ითვალისწინებს. ამის შესახებ ინფორმაციას თეთრი სახლი ავრცელებს.
„დღეს პრეზიდენტმა დონალდ ჯ. ტრამპმა ხელი მოაწერა საპრეზიდენტო მემორანდუმს, რომელიც ითვალისწინებს შეერთებული შტატების გასვლას 66 საერთაშორისო ორგანიზაციიდან, რომლებიც აღარ ემსახურებიან ამერიკის ინტერესებს. მათ შორისაა: 35 ორგანიზაცია, რომლებიც გაერო-ს სისტემაში არ შედიან და გაერო-ს სისტემაში შემავალი 31 ერთეული“, – აღნიშნულია თეთრი სახლის მიერ გავრცელებულ ინფორმაციაში.
აშშ-ის სახელმწიფო დეპარტამენტის განცხადებით, პრეზიდენტ დონალდ ტრამპის ადმინისტრაციამ ეს ინსტიტუტები ამერიკელი ერის სუვერენიტეტისთვის, თავისუფლებებისა და საერთო კეთილდღეობისთვის საფრთხედ მიიჩნია.
