ოკუპირებულ ყირიმში სხვადასხვა ქალაქზე დრონებით თავდასხმები განხორციელდა, რის შედეგადაც აფეთქებების ხმები რამდენიმე ლოკაციაზე ისმოდა. ინფორმაციას უკრაინული მედია ავრცელებს.
მათივე ცნობით, სიმფეროპოლის გარდა, აფეთქებები დაფიქსირდა სუდაკში, ევპატორიაში, სევასტოპოლსა და ყირიმის სხვა ქალაქებშიც.
გავრცელებული ინფორმაციით, დრონებით თავდასხმის ერთ-ერთი სამიზნე სიმფეროპოლში მდებარე Wildberries-ის დახარისხების ცენტრი იყო.
მოგვიანებით ინფორმაცია თავად კომპანიამაც დაადასტურა. Wildberries-ის პრესსამსახურის განცხადებით, უსაფრთხოების მოთხოვნების შესაბამისად, დახარისხების ცენტრიდან თანამშრომლების ევაკუაცია განხორციელდა.
დაშავებულების შესახებ ინფორმაცია ამ ეტაპზე არ ვრცელდება.
