გერმანიის რამდენიმე ქალაქში ულტრამემარჯვენე პარტია „ალტერნატივა გერმანიისთვის“ (AfD) წინააღმდეგ საპროტესტო აქციები გაიმართა.
ჰამბურგში, ბერლინში, ფრანკფურტსა და სხვა ქალაქებში გამართულ დემონსტრაციებში ათასობით ადამიანი მონაწილეობდა. აქციის მონაწილეებს ჰქონდათ პლაკატები წარწერებით: „აკრძალეთ AfD ახლავე“, „სიძულვილის წინააღმდეგ“ და „ყველა ნაცისტი სულელია“.
საპროტესტო გამოსვლები საქსონია-ანჰალტში გამართული საპარლამენტო არჩევნების ფონზე გაიმართა, სადაც ეგზიტპოლის მონაცემებით, AfD-მ მნიშვნელოვანი უპირატესობა მოიპოვა.
წინასწარი მონაცემებით, „ალტერნატივა გერმანიისთვის“ ხმების 44.5%-ით პირველ ადგილზეა. მეორე ადგილზე 18.5%-ით მმართველი პოლიტიკური ძალაა, ხოლო „მემარცხენე პარტიას“ 9.5% აქვს.
AfD-ის მაღალი შედეგი განსაკუთრებით მნიშვნელოვანია იმის გათვალისწინებით, რომ გერმანიის ძირითადი პოლიტიკური პარტიები ამ დრომდე უარს აცხადებენ მასთან სამთავრობო კოალიციის შექმნაზე.
