ზელენსკი: რუსეთში ვიზიტის შემდეგ ამერიკულმა დელეგაციამ მნიშვნელოვანი შედეგი ჩამოიტანა
დავით ფეიქრიშვილზე თავდასხმის საქმეზე პენიტენციური სამსახურის ყოფილ ხელმძღვანელებსა და ხუთ პატიმარს ბრალდება წარუდგინეს
მეუფე გიორგი ჯამდელიანი ლაშა ნაცვლიშვილს: საჯაროდ მოიხადეთ ბოდიში და მეუფე იობის წინაშე შენდობა ითხოვეთ
ელენე ხოშტარია: რუსეთის თავდაცვის სამინისტრო საქართველოს მოქალაქეების ომში ჩასართავად რეკლამებს ავრცელებს, ხელისუფლება კი დუმს
ხვიჩა კვარაცხელია მერაბ დვალიშვილსა და საბა ლაზიშვილზე თავდასხმაზე: ლაჩრულად, ზურგიდან მიპარვით შეეცადნენ თქვენს დაჩაგვრას — ქართველებთან ეს არასდროს გამოუვათ
პროკურორი დავით ფეიქრიშვილის განცხადებაზე: ტელეფონები დალუქული იყო, პროკურორს მათთან შეხება არ ჰქონია
საერთო ისტორია და კულტურული კავშირები: ექსპერტებმა ქართულ-რუსული ურთიერთობები განიხილეს
ევა გოცირიძე „ქართულ ოცნებას“: თუ ოპოზიციური პარტიები ისედაც მილევად რეჟიმში არიან, რაში გვჭირდება მათი აკრძალვა?

ზურაბ გირჩი ჯაფარიძე საკონსტიტუციო სასამართლოს პროცესზე: ყველამ იცის, რომ ბიძინა უყურებს – ზოგი თავის მოწონებას ცდილობს, ზოგი კი ჩუმად ყოფნას და ბოლოს გადაწყვეტილებაზე ხელის მოწერას

ნახვები: 446 ზურაბ გირჩი ჯაფარიძე საკონსტიტუციო სასამართლოს პროცესზე: ყველამ იცის, რომ ბიძინა უყურებს – ზოგი თავის მოწონებას ცდილობს, ზოგი კი ჩუმად ყოფნას და ბოლოს გადაწყვეტილებაზე ხელის მოწერას
„კოალიცია ცვლილებებისთვის“ ერთ-ერთი ლიდერი ზურაბ გირჩი ჯაფარიძე საკონსტიტუციო სასამართლოში ოპოზიციური პარტიების აკრძალვის საკითხზე მიმდინარე პროცესს „სპექტაკლს“ უწოდებს და აცხადებს, რომ მონაწილეებმა წინასწარ იციან, რა გადაწყვეტილება იქნება მიღებული.

ამის შესახებ ჯაფარიძე სოციალურ ქსელში წერს და პროცესის მონაწილეთა ქცევას ირონიულად აფასებს.

„თუ გინდათ, რომ საინტერესო საყურებელი გახდეს ეს ისტორიული პროცესი, დაივიწყეთ ილუზიები, უსაფუძვლო ოპტიმიზმი და უყურეთ იმას, რაც სინამდვილეში ხდება: ყველამ ყველაფერი წინასწარ იცის. არავინ ელის რაიმე ექსტრაორდინარულს“, – წერს ჯაფარიძე.

მისი მტკიცებით, პროცესის მონაწილეებმა იციან, რომ მათ ქმედებებს „ქართული ოცნების“ დამფუძნებელი ბიძინა ივანიშვილი აკვირდება, რის გამოც თითოეული მათგანი განსხვავებულ როლს ასრულებს.

„ყველამ იცის, რომ ბიძინა უყურებს. მანდატურებიც კი გამოაწყვეს სპეციალურ მუნდირებში. ყველამ იცის, ბოლოს რაც მოხდება და რა როლი აქვს მიმდინარედ, მაგრამ მაინც არის მათ თამაშში განსხვავებული ნიუანსები“, – აცხადებს ჯაფარიძე.

მისი შეფასებით, პროცესის მონაწილეთა ერთი ნაწილი ცდილობს, ივანიშვილს თავი მოაწონოს და საჯაროდ პირველად წარმოაჩინოს საკუთარი მორჩილება, მეორე ნაწილი კი უკვე მოპოვებული კეთილგანწყობის შენარჩუნებაზე ზრუნავს.

„ზოგი ცდილობს, ჩუმად იყოს, მინიმალური ვალდებულება შეასრულოს, ბოლოს ხელი მოაწეროს გადაწყვეტილებაზე და ასე გამოძვრეს, იქნებ საერთოდაც აღარავის გაახსენდეს მომავალში“, – წერს ჯაფარიძე.

მისივე განცხადებით, არიან ისეთებიც, რომლებიც კვლავ ცდილობენ დაამტკიცონ, რომ „ნაციონალურ მოძრაობასთან“ კავშირი არ აქვთ.

„ზოგი „ნაცი არა ვარ“ მტკიცების რეჟიმშია ისევ, საკუთარი წარსულიდან და ბიძინას გამძაფრებული პარანოიიდან გამომდინარე და განსაკუთრებული „შეუპოვრობით“ გამოირჩევა“, – აღნიშნავს ჯაფარიძე.

ოპოზიციონერი პოლიტიკოსი მიმდინარე პროცესს თეატრალურ წარმოდგენას ადარებს.

„ასეთი სპექტაკლია. ბოლოს შეგვიძლია რამე პრიზიც დავაწესოთ როლის საუკეთესო შემსრულებლისთვის“, – წერს ზურაბ გირჩი ჯაფარიძე.

შეგახსენებთ, საქართველოს საკონსტიტუციო სასამართლოში მიმდინარეობს „ქართული ოცნების“ 88 დეპუტატის მიერ შეტანილი სარჩელის განხილვა, რომლითაც ხუთი ოპოზიციური პოლიტიკური გაერთიანების არაკონსტიტუციურად ცნობა და მათი საქმიანობის აკრძალვაა მოთხოვნილი.

ყველას ნახვა
ყველას ნახვა
ყველას ნახვა