იტალიის საგარეო საქმეთა მინისტრი აცხადებს, რომ იტალია მზადაა, უკრაინისთვის ნეიტრალიტეტის გარანტორი გახდეს. უკრაინული მედიის ინფორმაციით, ეს განცხადება ლუი ჯი დე მაიომ აზერბაიჯანელ კოლეგასთან, ჯეიჰუნ ბაირამოვთან შეხვედრის დროს გააკეთა.
მისივე თქმით, იტალიის მთავრობა მზადაა, საკუთარი წვლილი შეიტანოს სამშვიდობო პროცესში.
„იტალია გაუჩერებლად მუშობს, რომ ამ კონფლიქტს ბოლო მოეღოს სანქციების გზით და არასდროს გვითქვამს უარი დიპლომატიურ არხებზე. მხარეებს შორის მოლაპარაკების გაგრძელება ჰუმანიტარულ ზავზე პრიორიტეტია. თურქეთში ორი ქვეყნის დელეგაციების შეხვედრის შემდეგ, პროგრესი შესამჩნევია. იტალიის მთავრობა მზადაა, საკუთარი წვლილი შეიტანოს სამშვიდობო პროცესში და უკრაინის ნეიტრალიტეტის გარანტი იყოს", - განაცხადა იტალიის საგარეო საქმეთა მინისტრმა.
