2022 წლის მსოფლიო ჩემპიონატის შესარჩევ ეტაპზე საქართველო ბოლომდე ეომა ესპანეთს, მაგრამ ვერაფერს გააწყო და ბოლო წუთზე 1:2 წააგო.
ვილი სანიოლიმ სასტარტო შემადგენლობაში რამდენიმე ცვლილებას მიმართა და უნდა ითქვას, რომ ჩვენი გუნდი მსოფლიოს ერთ-ერთ გრანდ პირველი ტაიმი თანაბრად ეთამაშა, ანგარიშით კი, სულაც მოუგო.
შესვენებაზე გასასვლელად ემზადებოდნენ, როდესაც ხვიჩა კვარაცხელიამ ოთარ კიტეიშვილის პასის შემდეგ ანგარიში გახსნა.
ლუის ენრიკემ შესვენებაზე ცვლილებებს მიმართა და გაამართლა კიდეც. პირინეელები ანტრაქტის შემდეგ მაგრად მოგვაწვნენ და თითქმის მთელი ტაიმის მანძილზე მეტოქის ნახევარზე არ გადავსულვართ.
56-ე წუთზე ფერნან ტორესმა ანგარიში გაათანაბრა, ხოლო მატჩის მიწურულს ჩვენ კართან ძალიან „დაცხა". ესპანეთს ზედიზედ მეორე მატჩის ფრედ დამთავრება არ სურდა და მთელი ძალებით შემოგვიტია და მსაჯის მიერ კონპესირებულ დროში დანი ოლმომ გამარჯვების გოლი გაგვიტანა.
ორი ტურის შემდეგ საქართველოს ნაკრები უქულოდ ბოლო ადგილზეა.
