დღეს, 21 აპრილს ამერიკულმა კომპანია Apple-მა სპეციალურ ღონისძიებაზე ახალი პროდუქცია წარადგინა.
როგორც მოსალოდნელი იყო, Apple-მა წარმოადგინა განახლებული iPad Pro უფრო სწრაფი პროცესორით, 5G მხარდაჭერით, Thunderbolt- პორტით, და Mini-LED ეკრანით.
მოსალოდნელია, ეკრანის გაზრდილი სიკაშკაშე. ახალ iPad Pro ხაზს, დაემატება მძლავრი M1-ი ჩიპი, რაც უზრუნველყოფს უკეთეს გრაფიკას, გაძლიერებულ ვიდეოეფექტებს და დამატებითი რეალობის მახასიათებლებს.
ახალ iPad Pro-ს ექნება ულტრაფართო 12-მეგაპიქსელიანი კამერა 122 გრადუსი კუთხით. ახალი ფუნქცია Center Stage კი კადრში მოძრავ ადამიანებს უთვალთვალებს და აქედან გამომდინარე ცვლის ხედვის კუთხეს.
11-იანი iPad Pro-ს ფასი 799 დოლარია, ხოლო 12,9-იანის 1099 დოლარი. შეკვეთების მიღება იწყება 30 აპრილიდან, მიწოდება კი მაისის მეორე ნახევრიდან.
კომპანიამ საბოლოოდ წარმოადგინა AirTag-ი, ფილების მსგავსი Bluetooth ლოკატორი, რომელის საშუალებითაც, შესაძლებელი იქნებ ისეთი საგნების პოვნა, როგორიცაა გასაღებები, საფულეები, ლაპტოპები ან თუნდაც ავტომობილი.
AirTag-ი არის პატარა მრგვალი ბურთულა, რომლებიც Bluetooth-ით, ელემენტებითა და აქსელერატორებითაა არჭურვილი. მათი საშუალებით მუშაობა შესაძლებელია აპლიკაცია ლოკატორის მეშვეობით, მათი სინქრონიზება ასევე ხდება Apple-ის სხვადასხვა მოწყობილობებთან.
AirTag-ის, ფასი 29 დოლარით განისაზღვრა.
კომპანიამ ასევე წარადგინდა, ახალი Apple TV4K-ი, ეს არის უკვე არსებული სატელევიზიო მოწყობილობის განახლებული ვერსია, რომელიც აღჭურვილი იქნება A12 Bionic პროცესორით და ახალი პულტით.
აშშ-ში პროდუქტის ფასი, 179 დოლარია, Apple TV4K-ის შეძენა მაისიდან იქნება შესაძლებელი.
ღონისძიებაზე წარადგინეს განახლებული iMac-იც პროცესორით M1. ახალი iMac-ი წინამორბედთან შედარებით ბევრად უფრო გაუმჯობესებული და სწრაფი იქნება.
პროდუქტი აღჭურვილია, 24-დიუიმიანი Retina 4К ეკრანით, ფრონტალური კამერით, რომელიც იღებს HD 1080 ფორმატში, გაუმჯობესებული დინამიკებით, 4 USB-C პორტით, გაგრილების ახალი სისტემითა და ინტერფეისის 7 შეფერილობით (ყვითელი, მარჯნის, წითელი, იასამნისფერი, მწვანე, ლურჯი და კლასიკური ვერცხლისფერი).
აშშ-ში სტანდარტული iMac-ის ფასი 1499 დოლარით განისაზღვრა.
Apple-მა ღონისძიებაზე წარადგინა ახალი, იასამნისფერი iPhone 12 და iPhone 12 mini . ამ შემთხვევაში ცვლილება მხოლოდ ფერს შეეხო, მოდელის ტექნიკურ მახასიათებლები კი უცვლელი დარჩა.
იასამნისფერი iPhone 12-ისა და iPhone 12 mini-ის, შეკვეთა 24-ი აპრილიდან იქნება შესაძლებელი.
