რომის პაპმა ფრანცისკემ წმინდა პეტრეს მოედანზე შეკრებილ 100 ათასს ადამიანს ტრადიციულად მიმართა, რა დროსაც უკრაინაზეც ისაუბრა და ქვეყნის მოსახლეობას მშვიდობა უსურვა.
რომის პაპის თქმით, უკრაინა იტანჯება ძალადობითა და განადგურებით, რომელიც გამოწვეულია სასტიკი, უაზრო ომით, რაშიც ის არის ჩათრეული.
„ჩვენ ვნახეთ ძალიან ბევრი სისხლი, ძალიან ბევრი ძალადობა. ჩვენი გულიც სავსე იყო შიშითა და ტანჯვით, რადგან უამრავ ჩვენს და-ძმას მოუწია თავის შეფარება დაბომბვისგან თავდასაცავად. დაე, მშვიდობა ჰქონდეს ომით განადგურებულ უკრაინას, რომელიც ასე იტანჯება ძალადობითა და განადგურებით სასტიკი, უაზრო ომის, რომელშიც ის არის ჩათრეული.
დაე, იყოს გადაწყვეტილება მშვიდობის შესახებ, დაე, დასრულდეს კუნთების თამაში, როდესაც ადამიანები იტანჯებიან“, – განაცხადა რომის პაპმა ფრანცისკემ და მადლობა გადუახადა მათ, ვინც უკრაინელი ლტოლვილები შეიფარა.
